Sýdıalardy durys tańdaı bilý – ádildik negizi

Sheneýnikter arasyndaǵy áb­den dendegen sybaılas jem­qor­lyqty jeńý elimiz úshin ońaı bo­lyp otyrǵan joq. Degenmen, bul kesel bizge alynbas qamal dep qol qýsyryp otyrǵannan góri, jarqyn keleshek úshin qazirden bastap amal-qareket qarastyrǵan áldeqaıda tıimdi bolmaq. Ásirese aıdyń-kúnniń amanynda alty birdeı Joǵarǵy Sot sýdıalary jemqorlyq kórinisterimen isti bolǵan sot júıesiniń qazirgi jaı-kúıi jan jabyrqatady. Sondyq­tan olardyń keselden tezirek qutylýyna qoǵamdyq qoldaý jasamasa is nasyrǵa shaba bermek. Mine, osy jaǵyn tarazylaǵan «Nur Otan» halyqtyq-demokra­tııalyq partııasy keshe Jemqor­lyqpen kúres jónindegi respýb­lıkalyq qoǵamdyq keńespen qu­rylǵan sot organdarynyń qyzme­tin syrttan baǵalaý jónindegi qoǵamdyq baqylaýshy komıssııa­nyń alǵashqy otyrysyn ótkizdi. Onyń jumysyna Parlament Se­na­tynyń depýtaty, Jemqorlyq­pen kúres jónindegi respýblı­kalyq qoǵamdyq keńes tóraǵasy Oralbaı Ábdikárimov jetekshilik etti. Árıne, sottar Konstıtýsııa boı­ynsha táýelsiz bolyp taby­lady. Olardyń isine aralasý zań­ǵa qaıshy. Degenmen, sol sottar óz mindetin paıdalanýda ádildik turǵysynan tabyla almaı jatsa, qoǵamdyq baqylaýdyń kúsheıtil­geni kerek. Mine, osy oraıda «Nur Otan» HDP janyndaǵy Jemqorlyqpen kúres jónindegi respýblıkalyq qoǵamdyq keńes­pen qurylǵan sot organdarynyń qyzmetin syrttan baǵalaý jónin­degi qoǵamdyq baqylaýshy komıs­sııanyń da negizgi mindeti sottar­dyń isti ádil qaraýǵa, azamat­tar­dyń, qoǵamnyń jáne memle­kettiń quqyqtary, bostandyqtary men zańdy múddelerin saqtaýǵa ba­ǵyttalǵan shynaıy sot sheshimderin qabyldaýyna yqpal etý bolyp tabylady. Qashanda kez kelgen dárejedegi sýdıa durys tańdalsa, memlekette de, qoǵamda da ádildik  saltanat quratyny belgili. Endeshe, bul – úlken máni bar jaýapty is. Sondyqtan da Jemqorlyqpen kúres jónindegi respýblıkalyq qoǵamdyq keńes músheleri, al­dy­men, sot organdarynyń qyzmetin syrttan baǵalaý jónindegi qo­ǵamdyq baqylaýshy komıssııanyń múshelerin bekitpes buryn sot­tarǵa qoǵamdyq baqylaýdy Kons­tıtýsııanyń jáne «Qazaqstan Respýblıkasynyń sot júıesi men sýdıalarynyń mártebesi týraly» Konstıtýsııalyq zańynyń talap­taryna súıene, sottardyń negizgi qyzmetine esh aralaspaı jáne sýdıalardyń táýelsizdigin múl­tik­siz saqtaı otyryp júzege asy­rý qajettigine toqtaldy. Sóıtip, sot organdarynyń qyzmetin syrt­tan baǵalaý jónindegi qoǵam­dyq baqylaýshy komıssııanyń quramyna belgili zańgerler, Pralament depýtattary, Joǵarǵy Sottyń otstavkadaǵy sýdıalary jáne iri qoǵam qaıratkerleri endi. Komıssııa tóraǵasy bolyp L.N. Gýmılev atyndaǵy Eýrazııa ulttyq ýnıversıtetiniń rektory Baqytjan Ábdiraıymov taǵaıyn­daldy. Budan keıin birinshi otyry­syn bastaǵan komıssııa aldaǵy jumys barysy Sýdıa etıkasy­nyń kodeksinde qarastyrylǵan sýdıalardyń moraldyq-etıka­lyq normasy men ózin ustaý tár­tibin saqtaý máselelerin qaraýǵa, sot ádildigi men sot sheshimderine qoljetimdilikti sot organdary­nyń durys uıymdastyrýyna, qo­ǵamnyń sotqa degen senimin arttyrýǵa, sot organdaryndaǵy kadr saıasatyn izgilendirýge, so­ǵan oraı sýdıalardy taǵaıyndaý tártibin jetildirýge, ákimshilik, azamattyq jáne qylmystyq ister boıynsha sot tájirıbesine taldaý júrgizýge, sot júıesiniń qyzme­tiniń quqyqtyq jáne uıym­das­tyrýshylyq tetikterin jetildirý boıynsha  tıimdi usynystar ázir­leýge, qazaqstandyq sot isin júr­gizýdi halyqaralyq standarttarǵa jaqyndatýǵa baǵyttalatyndy­ǵyn bildirdi. Aleksandr TASBOLATOV.