Qorǵanys mınıstrleri keńesti

Mınskide Ujymdyq qaýipsizdik sharty uıy­my­na (UQShU) múshe memleketter Qorǵanys mınıstr­leri keńesiniń (QMK) kezekti otyrysy bolyp ótti. Oǵan elimizdiń Qorǵanys mınıstri Ádilbek Jaq­sybekov bastaǵan Qazaqstan qorǵanys vedomstvo­synyń delegasııasy qatysty. Qorǵanys mınıstrleri keńesiniń jumysyna Armenııa Respýblıkasy, Reseı Federasııasy, Qyrǵyz Respýblıkasy, Tájikstan Respýblıkasy, Belarýs Res­pýblıkasy men О́zbekstan Respýblıkasy qor­ǵa­nys mınıstrlikteriniń delegasııalary jınaldy. Kún tártibine qoıylǵan segiz máseleniń qa­ta­rynda bitimgerlikti úılestirýdi kúsheıtý, áskerler­diń jedel daıyndyǵy men áskerı-tehnıkalyq yn­tymaqtastyqty nyǵaıtý máseleleri boldy. Sonymen birge, Ujymdyq qaýipsizdik sharty uıy­myna múshe memleketter Qorǵanys mınıstrleri keńesiniń 2010 jyly jeltoqsandaǵy kezekti oty­rysynda qabyldaǵan UQShU qyzmetiniń basty ba­ǵyttaryn júzege asyrý týraly sheshimin oryndaý máseleleri qaraldy. Qorǵanys vedomstvolarynyń basshylary sondaı-aq UQShU-ǵa múshe memleketter qarýly kúshteri bas shtabtary bastyqtarynyń óz­ara is-qımyldary men Ujymdyq qaýipsizdik sharty uıymy Birlesken shtabynyń qyzmetin jetildirýdi uıymdastyrý máselesin talqylady. UQShU Qorǵanys mınıstrleri keńesiniń kezekti otyrysynda UQShU ujymdyq qaýipsizdik júıesi basqarý organdarynyń jedel jáne jaýyngerlik daıyndyǵy sharalaryn 2011 jyly birlesip jetildirý máselesi de taqyǵa salyndy. – Otyrys barysynda qabyldanǵan sheshimder kóp­jaqty áskerı yntymaqtastyqty jetildirýge já­ne áskerı saladaǵy ózara áriptestikti damytýǵa ba­ǵyt­talǵan, – dep atap ótti Qorǵanys mınıstri Ád­il­bek Jaqsybekov. – UQShU qyzmetiniń basty ba­ǵyt­tarynyń biri – qaýipsizdik salasyndaǵy ózara is-qı­myl, halyqaralyq turaqtylyqty saqtaý men qoldaý, jańa qaýip-qaterlerge birlesip qarsy áreket jasaý. UQShU-ǵa múshe memleketter Qorǵanys mınıstrleri keńesiniń kezekti otyrysy iskerlik pen syn­dar­ly ózara syılastyq jáne ashyq pikir almasý jaǵ­daıynda ótti. Oksana PARPÝRA, Qorǵanys mınıstrligi baspasóz qyzmetiniń ókili.