Arnaıy keńes ótti

Premer-Mınıstrdiń oryn­basary Áset Isekeshev bas­ta­ǵan depýtattar toby  Shyǵys Qa­zaqstanda úsh kún boıy damý ınstıtýttarynyń basshy­la­ry­men jumys istep, arnaıy keńes ótkizdi. Onda aımaqtaǵy ınves­tısııalyq jobalardyń júzege asyrylýy máseleleri áńgimege ar­qaý bolyp, jańa baǵdar­lam­a­lar tanystyryldy. Talqylaýǵa 13 ınvestı­sııa­lyq joba shyǵaryldy. Ár joba boıynsha memleket tarapynan naqty qoldaý kórsetýdiń shara­lary belgilendi. Aıta keter jáıt, bul óńirde ındýs­trııa­landyrý kartasyna engen 34 ın­vestısııa­lyq joba júzege asy­rylýda. Shyǵys Qazaqstan oblysy Prezıdenttik údemeli ındýstrııa­lyq-ınnovasııalyq baǵdarlamany belsendi júrgizip otyrǵan óńir­diń biri. Aǵymdaǵy jyly quny 53 mlrd. teńgeni quraıtyn 13 jobany iske qosý josparlanýda. Nátıjesinde, 2 myń turaqty jumys orny qurylady. Keńes bastalardan bir kún buryn úkimettik komıssııa de­pý­tattyq korpýspen birlese otyra Semeı men О́skemenniń birqatar kásiporyndaryn aralap kórdi. Olar tek jumys jasap jatqan kásiporyndarmen ǵana emes, toq­tap turǵan kásiporyndarmen de tanysyp, olardy qaıta jandan­dyrý alǵysharttary talqylandy. Keıin ındýstrııalyq-ınnovasııa­lyq damýdy qurý jónindegi úı­lestirý keńesiniń otyrysynda oblys ákimi Berdibek Saparbaev atap ótkendeı, aımaqtaǵy jumys tobynyń isi óte tıimdi, qury­lymdyq ári kásibı júzege asy­rylyp, al ony júzege asyrýdyń aǵymdaǵy problemalaryn joıýǵa kómektesedi. Aımaqtaǵy  ınves­tı­sııalyq jobalardyń júzege asy­rylýy jumystaryna joǵary baǵa bergen depýtattyq top ta zor qoldaý kórsetti. Áset Isekeshev óz sózinde mundaı saparlardy eldiń barlyq óńirlerinde ótkizý josparlanyp otyrǵandyǵyn aıtty. Qazirgi ýa­qytta jumys toby Almaty, Qa­raǵandy, Pavlodar jáne Qos­ta­naı oblystarynda bolyp úlgerdi. (QazAqparat).