Qazaqtyń sózin qorlaý ózin qorlaý emes dep kim aıta alady?

«Egemen Qazaqstannyń» 7 maý­symdaǵy nómirinde «Qanyń qalaı qaınamas?!» aıdarymen «Munan as­qan qorlaý bola ma?!.» atty materıal  jarııalandy. Onda Kók­she­taýdyń qalalyq «Stepnoı maıak» gazetiniń «Jıle bomja-kazaha» de­gen krossvord basqany, bir­qatar aýdandyq gazetter «Habar» tele­ar­nasynyń 31 mamyr­daǵy já­ne 5 maý­symdaǵy baǵdar­la­ma­synda Ju­ma­baev jáne Juma­dilov famı­lııalaryn «Pıatnısabaev» jáne «Pıatnısadilov» dep shyǵar­ǵandary aıtylǵan. Baqsaq baqa eken demekshi, al­ǵashqy gazet krossvordty reseılik jýrnaldan kóshirip alyp­ty, sońǵylaryna telebaǵdarlama jo­ǵarydan túsedi eken. Oblys, qala basshylary da osylaı deıtin bolar. Biraq gáp basqada ǵoı. Qazir krossvordtan kóp esh nárse joq, degenmen kórdińiz be, «Stepnoı maıak» bir sóz arqyly búkil bir ult­ty qorlaıtyn krossvordty kó­shi­rip basqanyn. Ishki aram oıyn shyǵara almaı júrgen bir pasyq re­seılik jýrnaldy paıdalana qoı­ǵan. Jaraıdy, reseılik jýrnal má­selesin elimizdiń Máskeýdegi elshiligine, Syrtqy ister mınıstrligine qaldyraıyq, qazaq ultyn qorlaı­tyn krossvordtyń jarııalanýyna, Maǵjan Jumabaevtyń famılııa­syn «Pıatnısabaev» dep qate ja­zyp, ar-namysty taptaýǵa Kókshe­taý qalalyq jáne Aqmola obly­sy­nyń birqatar aýdandyq prokýra­týralary ne der eken? Al qazaq sózin qorlaýdyń já­ne bir kórinisin «Vremıa» gazeti de baıqatyp júr. Qazaqtyń «bastyq» degen sózinen shyǵatyn «baseke» deıtin sóz bar. Jaqty­ry­ńyz, jaq­tyrmańyz, sózdiń bar ekendigi anyq. Al «Vremıa» qyz­met­k­erleri osy sózge barynsha jaǵymsyz sıpat berip, bireýdi synaýdyń, ájýalaýdyń mindetin osy «baseke» sózine artyp qoıdy. Elimizdegi telearnalar qazir bas­qa tilderdegi fılmderdiń qa­zaqsha tıtrin beretin bolyp júr. Aýdarmanyń sáttisi bar, sátsizi de bar, biraq qazaqsha túsinigiń bola­tyny belgili. Al KTK arnasynda osy qazaqsha tıtr sózderiniń ústi­nen aqyly habarlandyrýdyń jú­girtpe jo­lyn jiberý ádeti bar. Qa­zaqsha sózder qajetsiz dese kerek. Qazirgi kezde BAQ táýeldi, táýelsiz, resmı, beıresmı bolyp bólinedi, alaıda bári de memlekettik múddeni kózdeýi qajet bolýy­na qaramastan, osylardyń keıbiri qazaq sózine qatysty oıyna kelgenin isteıtin bolyp júr. Qazaq sózin, sol arqyly qazaqtyń ózin qorlaýdan saqtaýǵa tıisti organ­dar­dyń basshylary mundaıdy kó­retin emes. Sonda ondaı bas­shy­lar kimge kerek bolǵany? Erjuman SMAIYL, zeınetker. Astana.