Memlekettik qyzmettiń jańa modeli

Keshe Qazaqstan Respýblıkasy Prezıdentiniń janyndaǵy Mem­lekettik basqarý akademııasy Qazaqstan Respýblı­ka­sy­nyń Memlekettik qyzmet isteri jónindegi agenttigimen birlesip, el Táýelsizdiginiń 20 jyldyǵyna oraı, «Memlekettik qyz­mettiń qazaqstandyq modeli: mindetteri men damý keleshegi» taqyrybynda ǵylymı-tájirıbelik konferensııa ótkizdi. Konferensııa jumysyna Prezıdent Ákimshiliginiń, Premer-Mınıstr Keńsesiniń, Parlament Senaty men Májilisiniń, sondaı-aq, Memlekettik qyzmet isteri jó­nindegi agenttiktiń jaýapty qyz­metker­le­ri men ókilderi qatysty. Alǵashqy bolyp sóz alǵan Qa­zaq­stan Respýblıkasy Prezıdenti Ákimshiligi Basshysynyń oryn­ba­sary  Baýyrjan Baıbek búginde Qazaqstandy ındýstrııalyq-ınno­va­sııalyq damytý úshin memlekettik qyzmet júıesi sapaly jumys atqarýy qajettigin alǵa tartty. «Memleket aldynda turǵan úlken maqsattarǵa jetý úshin, Elbasy­nyń saıasatyn órkendetý úshin mem­lekettik qyzmet qana emes, memlekettik emes uıymdar, jalpy halqymyz jumys isteýi kerek. Sol sebepti, jaqyn arada Memleket bas­shysynyń tapsyrmasymen  Mem­lekettik qyzmettiń jańa modeli tujyrymdamasy qabyldanatyn bolady. Al sarapshylar, memlekettik qyzmet júıesimen tyǵyz baılanysty azamattar osy salaǵa qatysty máselelerdi jan-jaqty talqylap, Memlekettik qyzmet isteri jónindegi agenttik olardy saraptap, osy tujyrymdamaǵa engizedi dep oılaımyz», – dedi Baýyrjan Baıbek. Sondaı-aq, ol Elbasynyń memleket aldyna aýqymdy mindetter qoıǵanyn, olardyń ishinde ındýs­trııa­lyq-ınnovasııalyq damý, bi­lim-ǵylymdy, densaýlyq saqtaý salasyn jáne tilderdi damytý memlekettik baǵdarlamalaryn at­aı kele, olar qolǵa alynǵan ıgi isterdi ilgeri jyljytýǵa sep bolady degen oıyn jetkizdi. «Indýs­trııa­lyq-ınnovasııalyq damý baǵdar­la­ma­sy memleketti jáne memleket ekonomıkasyn damytýǵa yqpal etip qana qoımaı, el áleýetin kó­te­rýge járdemdesetini sózsiz. Al  bul rette memlekettik qyzmetti damytýdyń róli aıryqsha. Sebebi, memlekettik qyzmet pen memlekettik qyzmetshiler eldiń elıtasyn qalyptastyrady. Eldegi jaǵdaı memlekettik qyzmetshige baıla­nys­ty»,– dedi Prezıdent Ákim­shi­li­gi Basshysynyń orynbasary. Bul rette Baýyrjan Baıbek Qazaqstan Prezıdenti Ákimshiligi byltyrǵy jyly  Elbasynyń bir­qatar Jarlyǵyn júzege asyr­ǵa­nyn, sebebi, Elbasynyń tapsyr­ma­sy, memleket aldynda turǵan mindetterdiń barlyǵy der kezinde jáne óz deńgeıinde oryndalýy kerektigin atap ótti. О́z sózinde ol, sonymen qatar, aýyldyq jerlerdegi turǵyndar memlekettik qyz­met túrleriniń kóp jaǵdaıda mól­dir bolmaıtyndyqtan, birqatar máselelerdiń túıini der kezinde sheshilmeı jatatynyn aıtyp sha­ǵymdanatynyna toqtala kele, ár túrli deńgeıdegi ákimder reıtıngisine aıryqsha mán berilip jat­qa­nyn tilge tıek etti. «Bul reıtıng jergilikti atqarýshy organdardyń jumysyn baǵalaýǵa múmkindik ber­mek. Sol arqyly biz  tıisti sharalar qabyldaıtyn bolamyz. Jalpy alǵanda, talqylanyp otyrǵan má­se­leler óz deńgeıinde júzege asyrylady degen oıdamyz»,–dedi Baýyrjan Qydyrǵalıuly. Bul kúngi jıyn barysynda son­daı-aq Qazaqstandaǵy memlekettik qyzmet pen ony odan ári jetildirý tóńireginde ár túrli oı-paıymdar aıtyldy. Máselen, Par­lament Se­naty Tóraǵasynyń orynbasary Aleksandr Sýdın memlekettik qyz­met salasynda qolǵa alynǵan reformalardyń tıimdiligin tilge tıek etti. «Elimizde Memlekettik qyzmet isteri jónindegi agenttik qu­ryldy. Memlekettik qyzmet týraly bir­qa­tar mańyzdy zańdar qabyldandy. Bulardyń barlyǵy memlekettik qyzmet salasyndaǵy memlekettik júıeni jan-jaqty zer­deleýge ba­ǵyttalǵan. Elde júrgi­zil­gen ákim­shi­lik reformalardyń nátıje­sin­de memlekettik qyzmet­tiń tıimdi úlgisin qalyptastyra al­dyq. Iаǵnı, bolashaqta memle­ket­tiń tizginin ustaıtyn azamattardy daı­yndaý úshin Qazaqstanda myq­ty zańnamalyq baza qalyptasqan deýge tolyq negiz bar», – dedi A.Sýdın. Ol sondaı-aq, memlekettik qyzmet júıesi jańa zamanǵa jáne Qa­zaqstanda júrgizilip jatqan re­formalarǵa sáıkes únemi ózge­rip otyrý qajettigin de basa aıtty. Al Memlekettik qyzmet isteri jónindegi agenttiktiń tóraǵasy Qaı­rat Nurpeıisov memlekettik qyzmetke qabyldaý sharttaryna en­giziletin ózgeristerge sáıkes ja­ńadan psıhometrııalyq test sy­na­ǵy qoldanylatynyn jetkizdi. «Bizdiń agenttik ázirlegen memlekettik qyzmetke kadrlardy tań­daý júıesi ózgeretin bolady. Ol úshin memlekettik qyzmetke úmit­kerler zańnamalardy bilý deń­geıin tekseretin testilik baqy­laý­dan bólek, taǵy bir synaqtan óte­di. Engiziletin jańa testide memlekettik qyzmetke úmitkerdiń minez-qulqyna basa mán berile otyryp, onyń jumys tıimdiligi baǵalanyp, saralanady. Ol úshin azamattyń tulǵalyq bolmysy men kásibı biliktiligin baǵalaýǵa baǵyttalǵan arnaıy psıhometrııalyq test ázir­lengen. Qazir ol synaqtan ótki­zilip jatyr», – dedi Q.Nurpeıi­sov. Onyń pikirinshe, bul test arqyly memlekettik qyzmetke úmitkerdiń maman retindegi kásibı áleýeti aıqyn baǵalanbaq. «Bul synaqtan kez kelgen kúızelisti jaǵdaıǵa tózimdilik, kóshbasshylyq, adamdarmen jaqsy qarym-qatynas ornata bilý sekildi qasıetter de anyqtalatyn bolady», – dedi agenttik tóraǵasy. Qaırat Nur­peıisov óziniń sózinde eldegi memlekettik qyzmet salasyna qatysty da óz oıyn bildire ketti. «Qazaq­standa 1990-jyldardyń sońynda memlekettik qyzmet júıesi baǵy­tynda ákimshilik reformalar júr­gi­zile bastady. Osynyń arqasynda búginde kásibı memlekettik qyz­met­tiń negizi qalandy dep senimmen aıtýǵa bolady. Bizdiń jetistikterimizdi sheteldik sarapshylar men ǵalymdar da moıyndap otyr. Qazaqstandyq memlekettik qyzmet modeli halyqaralyq standart­tarǵa sáıkes ázirlengen», – dedi Qaırat Aıtmuhambetuly Parlament Májilisiniń depý­ta­ty Erjan Isaqulov memlekettik qyzmetti kadrlyq kamtamasyz etý úderisi tóńireginde aıta kele, bul úderiske shet elderde oqyp jatqan jastardy, onyń ishinde «Bolashaq» memlekettik baǵdarlamasymen bilim alǵan azamattardy da tartý qa­jettigin jetkizdi. «Ol úshin mem­lekettik qyzmetti kadrlyq qam­tamasyz etýge  monıtorıng júr­gizý úderisin engizý qajet»,– dedi depýtat. Bul kúngi konferensııa aıasyn­da jınalǵandar memlekettik kadr saıasatyn iske asyrý tetikterin jań­ǵyrtý, memlekettik qyzmetke kelý jáne ótý tártibin jetildirý, memlekettik basqarý júıesiniń tıimdiligin arttyrý, memlekettik qyz­metshilerdi aımaqtyq deńgeıde oqytý, memlekettik organdar jumysynyń sapasy men tıimdiligin kóterý máseleleri boıynsha da oı-pikir almasty. Láıla EDILQYZY.