Tıimdi úılestirýdiń tetikteri

Keshe elordada ShYU Bas hatshysy Muratbek Imanálıev pen BUU Bas hatshysynyń orynbasary, BUU-nyń Esirtki jáne qylmys jónindegi basqarmasynyń atqarýshy dırektory Iýrıı Fedotov ShYU Hatshylyǵy men BUU-nyń Esirtki jáne qylmys jónindegi basqarmasy arasyndaǵy ózara túsinistik týraly memorandýmǵa qol qoıdy. Bul qujat esirtkiniń zańsyz aınalymyna, esirtki paıdalaný­ǵa, halyqaralyq terrorızmge, uı­ym­dasqan qylmysqa, basqa da qyl­mys túrlerine qarsy kúres ba­rysyndaǵy yntymaqtastyqqa negizdelgen. Qol qoıý rásiminen keıi­ngi sózinde ShYU Bas hat­shy­sy Muratbek Imanálıev bul qu­jattyń aldaǵy ýaqytta atalǵan má­seleler boıynsha ózara áre­ket­testikti tıimdi júzege asyrýǵa yq­pal etetinin atap ótti. «Bul me­morandýmda halyqaralyq terrorızmmen, zańsyz esirtkimen, uıym­dasqan qylmyspen kúres júrgizý máseleleri qamtylǵan, – dedi Bas hatshy. – Qylmyspen kúresti birlesken túrde júzege asyrǵan tıimdi. Qujat soǵan negiz qalaıdy». Al BUU Bas hatshysynyń orynbasary Iýrıı Fedotov qu­jat­tyń ShYU mereıtoıynyń qar­sańynda bekitilgenine toqta­lyp ótti. «Biz buǵan deıingi jyldarda da ózara is-qımyldy júıeli túrde júrgizip keldik, – dedi Iýrıı Fedotov osy týraly. – Endi aldymyzdan jańa múm­kin­dikter ashylyp otyr. BUU-nyń Esirtki jáne qylmys jónindegi basqarmasy búginde Aýǵanstan, sondaı-aq kórshiles elder úshin jańa óńirlik baǵdarlamany ázir­leý­de. Bul baǵdarlamada ShYU-ǵa áriptes retinde yntymaqtastyq­tyń róli kórinis tabatyn bolady. Keshe, sondaı-aq ShYU О́ńir­lik lańkestikke qarsy qurylymy atqarýshy komıtetiniń dırektory Jeńisbek Jumanbekov pen UQShU Bas hatshysy Nıkolaı Bordıýja Atqarýshy komıtet pen UQShU arasyndaǵy ózara túsinistik týra­ly hattamaǵa qol qoıdy. Bul qujat óńirdegi qaýipsizdik pen turaqtylyqty nyǵaıtýǵa yqpal etedi. «Eki uıym arasynda qol qoıylǵan bul qujat, – dedi J.Ju­manbekov rásim sońynan, – lań­kes­tikpen jáne lańkestikti qarjy­lan­dyrýǵa qarsy kúresti jandan­dy­rýǵa yqpal etedi». Nıkolaı Bordıýja: «UQShU úshin Ortalyq Azııa óńirinde lańkes­tik­pen kúres máseleleri eń ma­ńyz­dy baǵyt­tar­dyń biri bolyp tabylady. Bul hattama bizdiń kúsh-jigerimizdi ári qa­raı tıimdi úılestirýge múmkindik beredi. Atalǵan problemanyń kúrdeli ekenin jaqsy bilemiz»,  –  dedi. Álısultan QULANBAI.