Aqparattar aǵyny

* Petropavl. 14 maý­sym. BNews.kz: Petropavl qa­la­synyń perzent­ha­nasynda bir ana tuńǵysh ret tórt náresteni dúnıege ákeldi. Onyń bári qyz balalar. Qýa­nysh ıesi osy oblys­taǵy Beshkól aýdanynyń tur­ǵyny, deıdi perzenthananyń bas dárigeri Janna Maýtova. * Pavlodar. 14 maýsym. BNews.kz: Baıan­aýyl aýdandyq ishki ister bóliminiń bastyǵy, polısııa polkovnıginiń kópten beri ury-qa­rylarǵa «aǵa­lyq» qamqorlyq jasap kelgeni anyq­taldy. Bul týraly oblystyq ekono­mı­kalyq jáne jem­qor­lyq qylmysqa qarsy kúres departamentiniń baspasóz hatshysy habarlady. * Qyzylorda. 14 maýsym. BNews.kz: Qy­zyl­orda qalasynda jol polıseıleri qoz­ǵalys tár­tibin buzǵan «Mersedes-Bens» av­to­kóligin bir saǵat boıy qýyp, zorǵa toqtatqan. Kólikti júr­gizýshi jas qyz tártip saqshylaryna qarsylyq kórsetip, qujattaryn berýden bas tartqan. * О́skemen. 14 maý­sym. BNews.kz: Shyǵys Qazaq­stan oblysynda naı­za­­ǵaı jar­qy­ly kezinde  eki bala­ǵa jasyn túsken. Korostel aýylynyń janyn­daǵy kól jaǵasynda 15 jáne 9 jastardaǵy eki jetkinshek osylaı­sha naı­z­aǵaı otynan kóz jumdy, dep habar­la­dy Tótenshe jaǵ­daı­lar mınıstrliginiń baspasóz qyzmeti. * Astana. 14 maýsym. BNews.kz: Ústimiz­degi jylǵy qańtar-sáýir aılaryndaǵy Qa­zaq­stan­nyń syrtqy saýda aınalymy 36,5 mıllıard AQSh dollaryn qurap, ótken jyldyń sáıkes merzimimen salystyrǵanda 45 paıyzǵa artty, dep habarlady respýblı­ka­lyq Statıstıka agenttigi. * Qaraǵandy. 14 maýsym. BNews.kz: Qa­lada­ǵy kóp qabatty turǵyn úıdiń altyn­shy qabatynan úsh jasar bala qulap ketken. Ol terezege qurǵan masaǵa qarsy tordan syrtqa qaramaq bolǵan kezde opat bolǵan.