Jyly shyraıly júzdesýler

Búgin Astanada ShYU-ǵa múshe elder Memleket basshylarynyń mereıtoılyq sammıti ótedi

Keshe Aqordada Memleket basshysy Nursultan Nazarbaev ShYU-nyń mereı­toı­lyq sammıtiniń qarsańynda birqatar ekijaqty kezdesýler ótkizdi, dep habarlady Qazaqstan Respýblıkasy Prezıdentiniń baspasóz qyzmeti. Memleket basshysy Nursultan Nazarbaev «Qazaqstan» ortalyq konsert za­lyn­da birqatar ekijaqty kezdesýler ótkizdi. Nur­sultan Nazarbaev Reseı Federasııa­sy­nyń Prezıdenti Dmıtrıı Medvedevpen kezdesti. – Qazaqstannyń ShYU-ǵa tóraǵalyǵy aıaq­ta­lyp keledi. Biz 110 is-shara ótkizdik, mańyzdy qujattar ázirledik, barlyq ustanymdar kelisildi, – dep atap ótti Nursultan Nazarbaev. – Biz qarastyratyn kún tártibi mańyzdy. Shanhaı yntymaqtastyq uıymynyń sammıti Qazaqstan Prezıdentimen kezdesýimizden bas­tal­ǵany men úshin óte jaqsy. Qazaqstannyń tór­aǵalyǵy kezinde óte úlken jumystar atqa­ryldy, mańyzdy qujattar kelisildi. Erteń sessııa jumysy kezinde biz olardyń bárin talqy­lap, qabyldaımyz dep senemin, – dedi kezdesý barysynda Dmıtrıı Medvedev. Qazaqstan men Reseı prezıdentteri ekijaqty qarym-qatynastardyń aýqymdy máselesin, sondaı-aq aǵymdaǵy aımaqtyq jáne jahandyq jaǵdaıdy talqylady. *  *  *       Memleket basshysy Nursultan Nazarbaev О́zbekstan Respýblıkasynyń Prezıdenti Islam Karımovpen kelissóz ótkizdi. Kezdesý kezinde ekijaqty is-qımyl máselesi, sondaı-aq aldaǵy ýaqytta ótetin ShYU sammıtiniń kún tártibi talqylandy. *  *  *   Nursultan Nazarbaev Iran Islam Respýb­lı­kasynyń Prezıdenti Mahmud Ahmadınejadpen kezdesti. IIR-dyń Prezıdenti Nursultan Nazarbaev pen Qazaqstan halqyna jyly shyraıly qabyldaýy úshin óz rızashylyǵyn bildirdi. – Bizdiń kezdesýimiz dostyq kóńil-kúıde ótti jáne óte syndarly sıpatta boldy, – dedi Mahmud Ahmadınejad kezdesýden keıin jýrnalıster aldynda sóılegen sózinde. Kelissózder barysynda ekijaqty áriptes­tiktiń ártúrli qyrlary, sondaı-aq aımaqtyq jáne halyqaralyq kún tártibindegi máseleler talqylandy. – Bıylǵy jyly biz ShYU-nyń on jyl­dy­ǵyn atap ótemiz. Men mereıtoılyq sammıt ba­ry­synda barlyq ózekti problemalar talqy­la­na­dy dep senemin. ShYU-ǵa múshe elderdiń baı áleýeti uıymnyń kez kelgen máseleni sheshýine múmkindik beredi, – dep atap ótti M.Ahmadınejad. – Meniń saparym Qazaqstan táýelsizdiginiń 20 jyldyǵyna tuspa-tus keldi. Men halyqtyń erkiniń jáne Prezıdenttiń danagóı bas­shy­ly­ǵynyń arqasynda sizderdiń elderińiz damý qar­qy­nynyń joǵary kórsetkishine odan ári de qol jetkize beretinine senemin, – dep atap ótti Iran Prezıdenti. ***   Memleket basshysy Nursultan Nazarbaev Tájikstan Respýblıkasynyń Prezıdenti Emomalı Rahmonmen kezdesý ótkizdi. Taraptar aımaqtaǵy jaǵdaıdy, ekijaqty is-qımyl máselesin, sondaı-aq aldaǵy ýaqytta ótetin ShYU sammıtiniń kún tártibin talqylady. *  *  *   Prezıdent Nursultan Nazarbaev Pákstan Islam Respýblıkasynyń Prezıdenti Asıf Álı Zardarımen kezdesti. Kezdesý barysynda aımaqtyq qaýipsizdiktiń ártúrli qyrlary, ekijaqty qarym-qatynastardy odan ári damytý, sondaı-aq halyqaralyq kún tártibindegi ózekti máseleler talqylandy. – Men Shanhaı yntymaqtastyq uıymyn uly birlestik dep sanaımyn. Pákstan onyń quramy­na kirýdi qalap otyr jáne uıymnyń barlyq mú­sheleriniń qoldaýynan úmittenedi. Men ShYU-nyń úlken perspektıvasy bar dep senemin, – dep atap ótti jýrnalıster aldynda sóılegen sózinde Pákstan Prezıdenti. – Bul – meniń Pákstan Prezıdenti retinde Qazaqstanǵa alǵashqy saparym. Men Qazaqstan halqyn jáne uly lıderi Nursultan Nazar­baevty respýblıka táýelsizdiginiń 20 jyl­dyǵymen shyn júrekten quttyqtaımyn! – dedi Á.Zardarı. *  *  *     Nursultan Nazarbaev Aýǵanstan Islam Respýblıkasynyń Prezıdenti Hamıd Karzaımen kezdesti. Kezdesý barysynda ekijaqty qarym-qatynastardy odan ári damytý máselesi, Aýǵanstandaǵy aǵymdaǵy jaǵdaı, sondaı-aq ony beıbit retteý perspektıvasy talqylandy. – Sońǵy 5 jylda men sizderdiń elde­rińizge besinshi ret kelip turmyn. Árbir kelgen saıyn sizderdiń Kóshbasshylaryńyz Nursultan Nazar­baevtyń kóregen saıasa­tynyń arqasynda Qazaq­stan qarqyndy da­myp kele jatqanyna kóz jetkizemin. Siz­derdiń halqyńyz ben Prezıdentti táýel­sizdiktiń 20 jyldyǵymen quttyqtaımyn! – dedi Hamıd Karzaı jýrnalıster aldynda sóılegen sózinde. ***   Memleket basshysy Nursultan Nazarbaevtyń Qyrǵyz Respýblıkasynyń Prezıdenti Roza Otýnbaevamen kelissózi bolyp ótti. Taraptar aımaqtaǵy jaǵdaıdy, ekijaqty ózara is-qımyl máselesin, sondaı-aq aldaǵy ýaqytta ótetin ShYU sammıtiniń kún tártibin talqylady. – ShYU – bıylǵy jyly óziniń on jyldyǵyn atap ótetin bedeldi uıym. Onyń quramyna Qazaqstan, Reseı jáne Qytaı kiredi, al bul óte yrǵaqty damyp kele jatqan ekonomıka, – dedi R.Otýnbaeva kezdesýdiń qorytyndysy boıynsha jýrnalısterge. – Biz Qazaqstan Prezıdentiniń saparyn taǵatsyzdana kútýdemiz. Biz Nursultan Ábishuly bizdiń elimizdegi jaǵdaı týraly jaqsy habardar ekenin jáne Qyrǵyzstanmen yntymaqtastyqqa úlken mán beretinin bilemiz, – dep atap ótti Qyrǵyz Respýblıkasynyń Prezıdenti. *  *  *       Sonymen qatar, Qazaqstan Prezıdenti Úndistannyń Syrtqy ister mınıstri Somanahallı Mallaıah Krıshnamen, BUU Bas hatshysy­nyń orynbasary Iýrıı Fedotovpen jáne ShYU Bas hatshysy Muratbek Imanálıevpen kezdesti. Sýretterdi túsirgender S.BONDARENKO, B.OTARBAEV.