Lıýks vagonnyń «lıýks» emes qyzmeti

Jumys babymen issaparda jıi bolamyz. Kóligimiz – poıyz. Sapar alys bolǵandyqtan, jatar or­nyń­nyń jaı­ly bolmaǵyn aldyn ala qam­daı­syń. Bul rette de solaı bol­dy. Shym­kent shaharyna barý úshin Astana-Saryaǵash baǵy­tyna júre­tin №86 poıyzdyń 8-shi lıýks va­go­nynan oryn buıyrypty. Bul úst­i­mizdegi jyldyń 22 mamyry bola­tyn. Poıyz saǵat tańǵy 6-dan 05 mınót ótkende Astana vokzalynyń perronynan jyljydy. Jazdy kúni poıyz ishi­niń ystyq bolatyny belgili. Ádette lıýks vagondarda kondısıoner istep turý­shy edi. Sóıtsek, biz mingen vagonda ol nárseńiz istemeıdi eken. Jol­serikten shaı suradyq, ol da joq. Qant suradyq, ol da joq. Tym qurysa qaı­n­ap turǵan qara sýdan iship, ta­maq jibiteıik desek, ydys ta joq eken. Osy jerde esimizge eriksiz anekdot túse ketti. Bir kisi dúkenge kelipti. «Et bar ma?», dep surapty. «Joq». «Sút bar ma?». «Joq». «Nan bar ma?». «Joq». «Tuz bar ma?». «Joq». «Sonda, bul dúkende ne bar?» depti kúıip ketken álgi kisi. «Eshteńe joq, esik jaýyp keteıin desem, qulyp ta joq» dep jaýap bergen eken dúkenshi. Lıýks vagonyńyzdyń jaǵdaıy da quddy sondaı. Eshteńe joq. Qujat boıynsha ótken jyldyń sońynda ǵana jóndeýden ótken, biraq búgingi kúni alqam-salqam bolǵan sorly vagon kúnderdiń kúninde elektro­voz­dyń súıreýine shydamaı shashylyp qala­tyn sııaqty. Bılet quny ýdaı lıýks vagonnyń «lıýks» emes qyzmeti osyndaı. Sharafaddın ÁMIR.