Bul kúnderi oblysta osy memlekettik baǵdarlama aıasynda 12 joba iske qosyldy. Osy jobalardyń iske asýy arqasynda 533 jańa jumys orny ashyldy. Al 2 joba elimizdiń ındýstrııalandyrý kartasyna endi. Onyń biri – qýaty 325 MVt quraıtyn Aqsý №2 jylý elektr stansasynyń jańa energoblogy, ony basqarý júıesi tolyq avtomattandyryldy. Alǵash ret kúldiń 99,9 paıyzyn ustap qalatyn 5 satyly elektr súzgisi ornatyldy. Osyndaǵy №2 blok iske qosylǵan soń, stansanyń jalpy qýaty 2 425 MVt-ǵa jetti, qosymsha 500 jańa jumys orny quryldy. Ekinshisi – Qazaqstannyń vagon jasaý kompanııasyna qarasty Ekibastuzdaǵy júk vagondarynyń óndiristik kesheni. Sonymen qatar, «Qazaqstan Alıýmınııi» AQ-ta №8 pesh tizbeginiń qurylysy iske qosyldy.
Farıda BYQAI, Pavlodar oblysy.
160 800 000 Sońǵy alty aıda munaı salasy boıynsha anyqtalǵan qylmystyq ister nátıjesinde munaı jáne munaı ónimderiniń zańsyz aınalymynan osynsha teńge óndirilgen.
Osy iske qatysy bar «Kerýen Modýs Treıd» JShS basshysynyń ústinen qylmystyq is qozǵalyp otyr. Mekeme basshysy Qarataý stansııasy mańynda resmı qujattardy zańsyz jolmen jasap, 44,9 mıllıon teńgege baǵalanǵan 11 sısterna munaıdy jeke maqsatyna paıdalanbaq bolǵan. Sondaı-aq, Belkól aýylynyń janynan vagonǵa tıelip jatqan 226,78 tonna shıki munaı tárkilengen. Mundaı alaıaqtyqpen «TESSORO» JShS aınalysqany anyqtalǵan.
Erjan BAITILES, Qyzylorda oblysy.
2 700 000 Aqtóbe qalasyndaǵy turmystyq qaldyqtardy shyǵarýmen aınalysatyn «Aq Jol LTD» jaýapkershiligi shekteýli seriktestigi satyp alǵan «Dýnfen» markaly tórt arnaıy kóliktiń árqaısysyna osynshama teńge jumsady.
Seriktestikke qarasty 57 arnaıy kólik qalanyń turmystyq qaldyqtaryn polıgonǵa shyǵarady. Sońǵy jyldary kúndelikti shyǵarylatyn qoqystyń kólemi de arta tústi. 2008 jyly 31 myń tonna qoqys shyǵarylsa, bıylǵy alty aıda ǵana 21 myń tonna turmystyq qaldyq polıgonǵa jetkizildi. Qalada 120 konteıner alańy bar. Seriktestik nesıege alǵan «Dýnfen» arnaıy kóligine 17 tonna júk ketedi. Jańa tehnıkanyń sapasy reseılik avtokólikterden esh kem emes.
Satybaldy SÁÝIRBAI, Aqtóbe oblysy.
