Akter 15 naýryzda ótetin respýblıkalyq referendým memleketimizdiń bolashaǵyna tikeleı áser etetin mańyzdy saıası oqıǵa ekenin atap ótti.
«Ata zańymyzǵa jańa ózgerister men tolyqtyrýlar engizý máselesi búkilhalyqtyq talqylaýǵa usynylyp otyr. Konstıtýsııa – eldiń negizgi zańy, táýelsizdigimizdiń tiregi, quqyqtarymyz ben bostandyqtarymyzdyń kepili. Sondyqtan oǵan engiziletin árbir ózgeris memleketimizdiń damý baǵytyn aıqyndaıdy.
Bıbisara Asaýbaeva: Elimizdiń turaqtylyǵyna arnalǵan reformalardy qoldaımyn
Konstıtýsııamyz 1995 jyly qabyldanyp, sol ýaqyttan beri elimizdiń saıası, áleýmettik jáne ekonomıkalyq damýyna negiz bolyp keledi. Alaıda ýaqyt alǵa jyljyp, qoǵam da, talap ta ózgerip jatyr. Zaman aǵymyna ilesý úshin, jańa tarıhı kezeńniń suranystaryna jaýap berý úshin Ata zańymyzdy jańǵyrtý qajettiligi týyndap otyr. Bul ózgerister elimizdiń basqarý júıesin jetildirýge, halyqtyń quqyqtaryn qorǵaýdy kúsheıtýge jáne ádiletti qoǵam qalyptastyrýǵa baǵyttalǵan», dedi Erbolat Tólegen.
Onyń aıtýynsha mundaı mańyzdy sheshimdi qabyldaýda árbir azamattyń daýysy mańyzdy.
«Sondyqtan referendýmǵa qatysý – tek quqyqtyq áreket qana emes, árbir Qazaqstan azamatynyń boryshy. О́skeleń urpaqtyń jarqyn bolashaǵy, táýelsiz elimizdiń turaqtylyǵy men órkendeýi óz qolymyzda. El taǵdyryna beıjaı qaramaı, belsendilik tanytyp, ortaq bolashaǵymyz úshin daýys berý – árbir Qazaqstan azamatynyń mindeti», dedi ol.
