Búginde ERG-diń alıýmınıı dıvızıonynda shamamen segiz myńǵa jýyq qyzmetker eńbek etip júr. Metallýrgter Jańa Konstıtýsııa jobasynda óndiris salasy úshin qoldanbaly mańyzy bar qaǵıdattar kórinis tapqanyn atap ótti. Atap aıtqanda, eńbek etý quqyǵy, qaýipsiz eńbek jaǵdaıy jáne áleýmettik qorǵaý máseleleri qamtylǵan.
Eýrazııalyqtardyń pikirinshe, eńbek adamy ekonomıkanyń qosalqy bóligi retinde emes, memlekettiń ornyqty damýynyń negizi dep qarastyrylady. Mundaı normalardyń konstıtýsııalyq deńgeıde bekitilýi qyzmetkerlerdiń erteńgi kúnge degen senimin arttyryp, olardyń kásibı úlesiniń mańyzyn aıqyndaı túsedi.
Kásiporyn qyzmetkerleri eldiń uzaq merzimdi damý baǵytynyń turaqtylyǵy men aıqyndyǵy ónerkásip úshin sheshýshi mánge ıe ekenin atap ótti. Dál osyndaı ortada kásiporyndar damyp, jańǵyryp, jańa jumys oryndary ashylady.
Metallýrgter aldaǵy referendýmǵa azamattardyń qatysýynyń mańyzyn da erekshe atap ótti. Olar ár adamnyń pikiri mańyzdy ekenine ekpin túsirdi. О́ıtkeni, el damýynyń negizgi qaǵıdattary osyǵan tikeleı baılanysty bolyp tur.
«Jańa Konstıtýsııa eńbek adamynyń múddesi, qaýipsizdik, óndiristi damytý men ekonomıkalyq turaqtylyq ózara tyǵyz baılanysty birtutas júıe retinde qarastyratyn zamanaýı ári ornyqty modeldi qalyptastyrady. Bul – ómir sapasyna, ınvestısııa tartýǵa jáne eldiń uzaq merzimdi básekege qabilettiligine tikeleı áser etetin berik negiz», dedi «Qazaqstan alıýmınııi» AQ Pavlodar alıýmınıı zaýytynyń dırektory Aıtýǵan Ahmetov.
Metallýrgter qazaqstandyqtardy referendýmǵa qatysyp, óz ustanymdaryn bildirýge shaqyrdy.
Biz búgin qabyldaıtyn sheshimder, erteńgi bolashaǵymyzdy qalyptasady.
