Oblystyq ekologııa departamentiniń baspasóz qyzmetinen málim etkendeı, jospardan tys tekserý 11 aqpanda aıaqtalýy tıis bolǵan.
«Tekserý merzimi 12 aqpanda uzartyldy. Endi tekserý 25 aqpanǵa deıin jalǵasady», dep habarlady departamenttiń baspasóz qyzmeti.
Qańtarda shahar turǵyndary aýada jaǵymsyz ıis sezilgenine baılanysty shaǵym aıtty. Soǵan baılanysty «Qazgıdromet» Atyraý oblystyq fılıalynyń mamandary men ekologter arnaıy monıtorıng júrgizdi.
Atyraý ekologteri tabıǵatty lastaýshylarǵa 2,3 trln aıyppul saldy
Oblystyq ekologııa departamenti basshysynyń orynbasary Erlan Esenovtiń málimetinshe, tekserý kezinde kúkirt sýtegi men kómirtek oksıdiniń mólsheri ruqsat etilgen shekti konsentrasııadan birneshe ese asqany anyqtalǵan. Naqtyraq aıtqanda, Keńózek aýyldyq okrýgindegi Tasqala aýylynyń tusynda kúkirt sýteginiń mólsheri – 17,5, irgeles aýmaqtarda 15 esege deıin jetken. Eń soraqysy, «Hımıkter» aýylynda bul kórsetkish 36,3 esege deıin artqany tirkeldi.
