«Qulansaz» ansambli

Táýelsiz memleketter dostas­ty­ǵyna jatatyn elder de bıyl mereıli jyl tabaldyryǵynda tur. Osy oraıda Máskeýde «Dos­tas­tyq­tyń ja­ńa kók­jıegi» atty kórme ashy­lyp, onda táýelsiz mem­le­ket­ter óz­deri­niń osy jıyr­ma jylda­ǵy eko­nomıkalyq jáne ón­diristik jetistikterin pash etip­ti. Mádenı shara aıa­synda dostastyq elder mádenıeti men ulttyq dás­túr festıvali de jal­ǵasyn tap­qan. Kórme-fes­tıval­ge elimizden tórt obly­s­tyń ókilderi men ónerpazdary qa­tyssa, sha­­raǵa Al­­maty oblysy dele­gasııasy da konserttik baǵdarla­ma­syn usy­nyp, más­keýlik kórermen kóńi­li­nen shyqqan. Oblystyq «Qulansaz» folk­lor­lyq-etnografııalyq án-bı ansambliniń óneri men jalpy sapary jaıynda oblystyq Súıinbaı atyn­daǵy fılarmonııa dırektory Erjan Qosbar­maqov bylaı dedi. – Máskeý – Eýropa men Azııa ór­ke­nıetteriniń toǵysqan jeri. Halyq shyǵarmashylyǵy jetis­tik­­teriniń kór­mesine TMD-ǵa mú­she elder qatysty. Kórmede ja­ńa kombaındar, zamanaýı ushaq­tar jáne basqa da túrli tehnıka kór­me­niń kór­kin asha tústi. Ár memleket ózi­niń eń tańdaýly jetistikterin alyp kelgeni birden baı­qa­lady. Maq­sat taýar sapa­syn kór­setip, kórshi­ler­­men saý­da-sattyq baılanysty ny­ǵaıtý bolsa, bul óz sheshimin tap­qa­nyn aıta ketken oryndy. Elaralyq kórmege kelgender jar­namalyq stendterin kór­set­t­i. Eki myńnan astam ǵalym, kásip­ker­ler men saıasatkerler birlesip, ǵy­lym­da, mashına jasaý, atom ener­getıkasy, munaı gaz jáne medısına salalaryn damytýdaǵy qol jetkizilgen jetistikterin áńgime­lerine ar­qaý etti. Al, Qazaqstan ta­rapynan bul sharaǵa 30-dan astam kompanııa qatysqany elimizde ın­dýstrııa­lan­dyrýdyń keńinen qulash jaıǵanyn dáleldedi. Árıne, TMD-nyń 20 jyldyǵy­nyń tarıhı mańyzy erekshe. Son­dyq­tan bul kórmede Qazaqstan ózi­niń bar­lyq jetistikterin tolyqtaı kór­set­­ti. Osy ýaqyt aralyǵynda Qa­zaq­stannyń zor jetistikke jetkeni ózge­lerdi tipti tańǵaldyrady. Qazir ishki jalpy ónim boıynsha elimiz Reseıden keıin ekinshi orynda tur. Bul tabysy­myzdy búkil álem moıyn­da­dy, degen ol Qazaqstan saýda óki­lettiliginiń Reseıdegi ókili Vıacheslav Chernovtyń jeke pikirin de jetkizdi. Festıvalge TMD elderiniń eń tań­daýly óner ujymdary kelse, Qa­zaq­stannan «Qulansaz» an­sambli­niń ónerpazdary máskeýlik­terdi ónerimen tánti etkenin maq­tanyshpen aıtýǵa bolady. Kórmede ekonomıkalyq jetistikter men shyǵarmashylyq festıval dostyq pen birliktiń altyn kó­piri boldy. Al, halyq shyǵarma­shylyǵy jetistikteri kórmesiniń ǵımaraty ha­lyqaralyq baılanys­tar men mádenı qa­tynastar ortaly­ǵyna aınaldy, dedi bizben áńgime­sin­de óner ujy­my­nyń basshysy erekshe yqylaspen. Kúmisjan BAIJAN, Almaty oblysy.