Janseriktiń kúmis medali jastar arasyndaǵy álem chempıonatynyń jalǵyz júldesi boldy

Jaqynda Rýmynııa astanasy – Býharest qalasynda grek-rım kú­resi­nen jastar arasyndaǵy álem chempıonaty bolyp ótti. Oǵan 47 elden 370 jas balýan qatysty. Osynaý dúbirli dodaǵa bizdiń elimizden jastar komandasynyń bas bapkeri N. Dúısenov bastaǵan 50; 55; 60; 66; 74; 84 jáne 120 kg salmaq dárejesindegi jeti saıyp­qyran at­tan­ǵan bolatyn. О́kinish­ke qaraı, jeti batyrdyń bireýi ǵana fınal­dyq básekege joldama alyp, kúmis me­dal ıegeriniń tuǵy­ryna kóterildi. Kelesheginen kóp úmit kúttirip júrgen jas balýan Janserik Sár­sen­bıev boz kilem ústinde bel­des­keli beri jaqsy nátıje­ler­ge qol jetkizip keledi. Sońǵy jetistigin ǵana aıtsaq, ótken jy­ly ­ol jastar arasyndaǵy Qazaq­stan já­ne Azııa chempıonat­tary­nyń jeńim­pazy atan­­dy. Qazaq­stan chempıo­natynyń 50 kg sal­maq dáre­je­sin­degi bıylǵy jeńim­pazy da ózi bol­dy. Endi, mine, ol el jankúıer­leri­nen jyraq Eýropada ót­ken álem chem­pıona­ty­nan kú­mis júl­de­men ora­lyp otyr. Eli­miz­degi grek-rım kú­resi she­berleri­niń soń­ǵy jyl­­­dary bedeldi bá­­se­ke­ler­­den ol­jasyz ora­lyp jú­r­genin eskersek, baǵalaı biletin sport bas­shy­lary úshin onyń bul jetistigi az sybaǵa emes. Taraz topyraǵyna tabany tıe sa­ly­symen Janserikti kúmis medalimen quttyqtap, Býhareste ótken báseke ba­rysynyń jaı-japsaryn suraǵanbyz. – Alǵashqy beldesýde túrik ba­l­ýa­n­yn jeńdim. Odan keıin Izraıl eli­niń balýanyn qapy qaldyrdym. Úshin­shi qarsylasym qyrǵyz eken, onyń da jaýyryny jer ıiskedi. Fı­naldyq beldesýde tap kelgen ázer­baıjan eliniń balýany jeńi­lýge taıan­­ǵanyn sezdi me, kúresýdiń or­ny­na meni basymen soǵyp jiberdi. Árı­ne, jaýap retinde oǵan meniń de qo­lym «tıip» ketti. Osy kezde onyń me­ni baspen urǵanyn «baı­qamaı» qal­ǵan tóreshi, murnyn basyp, oıbaılap otyra ketken ázer­baı­jan­dyq balýanǵa jeńisti berip jiberdi, – dedi Janserik aǵynan jarylyp. Janseriktiń jeke bapkeri Nur­­lan Úderbaev ta shákirti tara­pynan sabyrlylyq jetispegenine naly­ǵandaı boldy. – Janserik – talantty balýan. Eger ol Býharest boz kilemindegi fınaldyq beldesýde qyz­balyqqa salynbaı, sabyr etkende jastar arasyndaǵy álem chem­pıonatynyń altyn medali qo­lyn­da tur edi. «Eshten, kesh jaqsy» demeı me, bul kemshiligin ol endi eresekter ko­man­dasynda qaıtalamaıtyn bola­dy dep senemin, – dedi ol. Kósemáli SÁTTIBAIULY, Jambyl oblysy.