Is-sharaǵa Májilis depýtattary Maqsat Tolyqbaı, Janarbek Áshimjanov, Sergeı Ponomarev jáne «Qazaqstandyq qoǵamdyq damý ınstıtýty» KEAQ basqarma tóraǵasy Juldyzaı Ysqaqova, «Qazaqstan halqyna» qoǵamdyq qorynyń tóraǵasy Lázzat Shyńǵysbaeva taǵy basqalary qatysty.
Qonaev qalasynda jańa Konstıtýsııa jobasy men negizgi ınstıtýsıonaldyq ózgerister talqylandy
Kezdesýde Aıda Balaeva qoldanystaǵy Konstıtýsııanyń sońǵy 30 jylda Qazaqstannyń qalyptasýy men serpindi damýyna berik negiz bolǵanyn atap ótti. Onyń aıtýynsha, qazirgi kezeńde memlekettiń qundylyqtary men basymdyqtaryn naqty aıqyndaýdyń mańyzy erekshe. Vıse-premer jańa Konstıtýsııa Preambýlasynda negizgi qundylyqtar bekitilgenin, sonyń ishinde bilim, ǵylym, mádenıet jáne ınnovasııalar alǵash ret konstıtýsııalyq deńgeıde aıqyndalǵanyn jetkizdi.
«Memleket bilim sapasyn arttyrýǵa, ǵylymdy damytýǵa jáne ony óndirispen ushtastyrýǵa aıryqsha kóńil bólip keledi. Ǵylymı progress nátıjesinde búgin sizder bólek jaǵdaıda eńbek etip jatyrsyzdar. О́ndiris jańartylyp, ónim sapasy jetildirilýde – munyń bári ǵylym damýynyń jemisi. Al sapaly serpilis jasaý úshin bul qaǵıdattardy Konstıtýsııa deńgeıinde bekitý qajet. Sebebi Ata zań – keıingi zańnamalyq ári bıýdjettik sheshimderdiń negizi», dedi Aıda Balaeva.
Kezdesý barysynda Konstıtýsııada mádenıet pen tarıhı-mádenı murany qorǵaýǵa qatysty normalardyń alǵash ret naqty bekitilgeni de aıtyldy.
Jańa Konstıtýsııa jobasyn ázirlegen komıssııa jumysy týraly Májilis depýtaty Sergeı Ponomarev baıandady. Onyń sózinshe, qujatty daıyndaýǵa jetekshi konstıtýsıonalıster, zańgerler, Konstıtýsııalyq keńes músheleri men parlamenttik fraksııa jetekshileri qatysqan. Depýtat Preambýlanyń mańyzyna erekshe toqtalyp, ony Konstıtýsııanyń negizgi qaǵıdattary men qundylyqtarynyń kórinisi retinde baǵalady.
«Preambýla – jaı kirispe emes, bul Konstıtýsııanyń mánin túıindeıtin ózek. Jańa Konstıtýsııa shynymen de adamdarǵa jaqyndaı túspek. Bar bolǵany on jeti joldan turatyn osy mátinde bizdiń ómirimiz, syrtqy álemge kózqarasymyz, qoǵam ishindegi ózara qarym-qatynas prınsıpteri jáne memlekettiń uzaq merzimdi damý baǵyty kórinis tapqan», dep túıindedi Sergeı Ponomarev.
Ujym aldynda Juldyzaı Ysqaqova da sóz sóılep, jańa Konstıtýsııa jobasy júıeli ári tereń taldaý negizinde ázirlengenin atap ótti. Onyń aıtýynsha, qujat zamanaýı qaterlerdi eskere otyryp, Ata zań arhıtektýrasyn jańǵyrtýǵa jáne qundylyqtyqtardy nyǵaıtýǵa baǵyttalǵan. Atap aıtqanda, ǵylym, ınnovasııalar, bilim jáne mádenıet salasy basymdyq retinde belgilengen.
Kezdesý sońynda «Shın-Laın» JShS qyzmetkerleri suraqtar qoıyp, túsindirý jumystaryna qatysty usynystaryn bildirdi. Jalpyulttyq koalısııa ókilderi azamattardyń referendýmǵa qatysýynyń mańyzyn atap ótti.
Abzal Quspan: Konstıtýsııalyq sot azamat pen memleket arasyndaǵy tóreshi bolady
