Foto: Ulttyq bank
Eń kóp qoldan jasalǵan aqsha – 5 000 teńgelik banknota. Jalpy sany 174 dana bolyp, barlyq anyqtalǵan jalǵan aqshanyń 84,5%-yn qurady. Odan keıin 10 000 teńgelik banknotalar – 22 dana (10,7%). Sondaı-aq 2 000 teńgelik 6 dana (2,9%), 20 000 teńgelik 1 dana (0,5%) tirkeldi. Qalǵan 1,4%-y monetalarǵa tıesili.
Ulttyq bank 2 jańa kolleksııalyq monetany satylymǵa shyǵarady
Ulttyq bank jalǵan aqsha men túpnusqany ajyratýǵa kómektesetin negizgi belgilerdi atap ótti. Jalǵan banknotalar kóbine qarapaıym ofsettik qaǵazǵa basylady jáne olardy jasaý úshin kompıýterlik tehnıka men túrli tústi prınter paıdalanylady.
Mundaı aqshalarda maıda jazýlar kómeski bolyp keledi, tipti birneshe ese úlkeıtkende de anyq oqylmaıdy.
Sondaı-aq qoldan jasalǵan banknotalarda sýtamǵy belgisi bolmaıdy.
Patch elementi boıaýmen salynǵandyqtan, kólemdik áser bermeıdi, jaryq túskende golografııalyq qasıet baıqalmaıdy jáne nomınal sýreti órnekke aýyspaıdy.
Qorǵanysh jibi de dınamıkalyq ári tús ózgertý áserine ıe emes, jaryqqa tosqanda tutas syzyq bolyp kórinbeıdi.
Al shynaıy banknotalarda kózben jáne qolmen teksergende birden baıqalatyn birneshe qorǵanysh belgisi bar.
Ulttyq bank jalǵan aqsha jasaýdyń aldyn alý baǵytynda júıeli jumys júrgizip keledi jáne azamattardy qolma-qol esep aıyrysý kezinde muqııat bolýǵa shaqyrady. Eger kúmándi, ásirese syrtqy kelbeti túpnusqaǵa uqsas banknota kezdesse, dereý quqyq qorǵaý organdaryna habarlaý qajet.
