Veloshabandozdar jolǵa shyqty

Gazetimizdiń juma kúngi sa­nyn­da norvegııalyq «Bike for Peace» (Beıbitshilik úshin velosıped júrgiz) qoǵamdyq uıymy­nyń uıymdastyrýymen «Semeı – Almaty – Astana» baǵytymen alǵashqy velojoryq josparla­nyp otyrǵany týraly habar ja­ryq kórgen edi. Elbasy Jarly­ǵy­men Semeı atom polıgonynyń jabylǵanyna 20 jyl tolýyna oraı uıymdastyrylǵan bul sha­raǵa qatysýshy veloshabandozdar Semeıden senbi kúni jal­py qashyqtyǵy 2 myńnan astam sa­parǵa attanyp ta ketti. Osy oqıǵaǵa baılanysty Semeıdiń Abaı alańynda qala jurtshylyǵy kóptep qatysqan saltanatty mıtıng ótkizildi. Onda qala ákimi Aıbek Kárimov birinshi bolyp sóz alyp, elimiz egemendikke qol jetkizgennen bergi jerdegi jańa turpatty memleke­ti­mizdiń basshysy Nursultan Na­za­rbaevtyń jer betinde beıbitshilikti nyǵaıtý jónindegi tyń bastamalary álemdik qaýymdas­tyq tarapynan zor qoldaý taýyp kele jatqanyna toqtala kelip, onyń bir kórinisi búgingi shara ekendigin aıtyp, joryqqa qaty­sý­shylarǵa sát sapar tiledi. Aqyn eskertkishi qasynda ót­ken jıynda, sondaı-aq jo­ǵary­da atalǵan norvegııalyq qoǵam­dyq uıymnyń  jetekshisi Tore Naer­landǵa sóz berildi. Ol otyz jyl­dan astam tarıhy bar velojoryq týraly áńgime  qozǵady. Izgi nıetpen alys jolǵa shyq­qan veloshabandozdarǵa qa­la­lyq soǵys jáne eńbek arda­gerleriniń tóraǵasy Rafık Hasenov ıgi tilektestigin bildirip, aq batasyn berdi. Mıtıngide qala ákimi tara­pynan el gazeti «Ege­menniń» «Ulylyqqa taǵzym» atty dás­túr­li aksııasy týraly da aıtyl­maı qalmaǵan. О́ıtkeni, bıylǵy jyl­dyń mamyr aıynda osy turaqty aksııanyń bir top ókilderi ıadrolyq synaq aıma­ǵynyń naq epısentrindegi Sarjal – Qaınar baǵytymen júrip ótken edik. Soǵan oraı bizge de sóz berilgende osyndaı ıgi sharanyń basqasha mazmunda jáne halyqaralyq deń­geıde ótip jat­qanyna rıza­shylyǵymyzdy bildirdik. Veloshabandozdar sapar ba­rysynda Almaty men Asta­nany aıtpaǵanda elimizdiń bes obly­synyń turǵyndarymen júzdesip, álemdegi eń qundy másele beıbitshilik týraly oı bólisetin bolady.  Dáýlet SEISENULY,  Semeı.