Is-sharanyń basty maqsaty – ulttyq ádebıetti nasıhattaý arqyly oqyrman mádenıetin qalyptastyrý, kitapqa degen qyzyǵýshylyqty arttyrý jáne jas urpaqtyń rýhanı dúnıetanymyn baıytý. Sebebi «Kitap – aqyldyń keni» degen halyq danalyǵy búgingi qoǵam úshin de mańyzyn joıǵan joq.
Kórme barysynda qazaq ádebıetiniń altyn qoryna engen kórnekti qalamgerlerdiń mereıtoılyq shyǵarmalary kópshilik nazaryna usynyldy. Atap aıtqanda, Ilııas Jansúgirovtiń ulttyq poezııanyń asqaq úlgisine aınalǵan «Qulager» poemasynyń 90 jyldyǵy, Ǵabıt Músirepovtiń tarıhı-áleýmettik mazmundaǵy «Probýjdennyı kraı» áńgimesiniń 65 jyldyǵy, Ilııas Esenberlınniń el tarıhyn kórkem tilmen órnektegen «Almas qylysh» romanynyń 55 jyldyǵy, Jambyl Jabaevtyń otty jyrynan týǵan «Lenıngradsy, detı moı…» óleńiniń 85 jyldyǵy keńinen tanystyryldy.
Sondaı-aq, álemdik deńgeıde tanylǵan Muhtar Áýezovtiń «Abaı joly» roman-epopeıasynyń 55 jyldyǵy, tarıhı-fılosofııalyq oıymen daralanǵan Ábish Kekilbaevtyń «Pleıady, sozvezdıe nadejdy» eńbeginiń 45 jyldyǵy, aǵartýshylyqtyń temirqazyǵyna aınalǵan Ybyraı Altynsarınniń «Qazaq hrestomatııasynyń» 120 jyldyǵy, qoǵam shyndyǵyn tereń beınelegen Ábdijámil Nurpeıisovtiń «Qan men ter» trılogııasynyń 65 jyldyǵy, Oljas Súleımenovtiń «Arǵymaq», «Zemlıa, poklonıs cheloveký» poemalarynyń 65 jyldyǵy jáne Ǵabıden Slanovtyń «Step da step» romanynyń 85 jyldyǵy kórme aıasynda keńinen nasıhattaldy.
«О́tkenin bilmegen eldiń bolashaǵy bulyńǵyr» degen sóz bar. Osy oraıda jyljymaly kitap kórmesi oqyrmandy tek kórkem dúnıelermen tanystyryp qana qoımaı, ár shyǵarmanyń tarıhı, rýhanı jáne tárbıelik mánine tereń úńilýge múmkindik berdi. Kórmege kelgender qalamgerlerdiń shyǵarmashylyq joly týraly tyń málimetter alyp, ulttyq ádebı muraǵa degen qurmetin arttyra tústi.
Taǵylymdy is-shara qazaq ádebıetiniń ult sanasyndaǵy orny aıryqsha ekenin taǵy bir márte dáleldep, kitap pen oqyrman arasyndaǵy rýhanı baılanysty bekemdeı tústi. Urpaqtan-urpaqqa jalǵasqan asyl mura – halqymyzdyń sarqylmas baılyǵy ekeni osy kórme arqyly aıqyn sezildi.
Gúljaýhar ESENTAEVA,
Qaraǵandy aýyldyq kitaphanashysy
Batys Qazaqstan oblysy
