Kezdesý barysynda qyzmetkerlerge elimizdiń jańa Konstıtýsııasy jobasy jóninde túsindirme jumystary júrgizilip, 15 naýryz kúni ótetin referendýmnyń el bolashaǵy úshin strategııalyq mańyzdylyǵy aıtyldy. Sonymen birge Konstıtýsııaǵa engizilgen jańa ózgerister men tolyqtyrýlar keńinen talqylandy. Qujatta aıqyndalǵan negizgi baǵyttar men basty qaǵıdattarǵa erekshe nazar aýdaryldy.
Gıdrotehnıkter jańa Konstıtýsııa boıynsha referendým ótkizýdi qoldady
Kompanııa basshysy reformalardyń elimizdiń damýyna, bıznes pen ónerkásiptiń órkendeýine, sondaı-aq quqyqtyq memleketti nyǵaıtyp, eńbek adamyn qorǵaýǵa baǵyttalǵanyn atap ótti.
«Usynylyp otyrǵan jańa Konstıtýsııa jobasy ashyqtyq pen jaýapkershilikti arttyrýǵa baǵyttalǵan. Bıznes úshin bul ınvestısııalardy qorǵaý men turaqtylyqty bildiredi. Al azamattar úshin bul – kepildik berilgen quqyqtar, áleýmettik ádilettilik jáne bolashaqqa degen senimdilik. Tek osyndaı jaǵdaılarda ǵana óndiris damı alady, jańa jumys oryndary qurylady jáne adamdardyń ál-aýqaty artady.
El azamattary retinde biz Qazaqstan Respýblıkasynyń jańa Konstıtýsııasyn jáne onyń damý saıasatyn qoldaımyz, sondaı-aq referendýmǵa mindetti túrde qatysamyz», dedi Beknur Nesipbaev.
Sóz sońynda Beknur Nesipbaev ujym qyzmetkerlerin referendýmǵa belsendi qatysýǵa jáne el bolashaǵyn aıqyndaıtyn bastamalarǵa qoldaý kórsetýge shaqyrdy.
О́z kezeginde «Astana Motors» ujymy aldaǵy referendýmdy qoldaıtynyn jetkizip, jańa Konstıtýsııanyń elimizdiń damýyna oń ózgerister ákeletinine senim bildirdi.
Aqtóbelik jastar Konstıtýsııanyń jańa jobasyna qoldaý bildirdi
