Qazaqstan Respýblıkasy Úkimetiniń qaýlysy №236

2011 jylǵy 9 naýryz,  Astana, Úkimet Úıi Qazaqstan Respýblıkasy Úkimetiniń 2009 jylǵy 14 jeltoqsandaǵy  № 2106 qaýlysyna ózgerister engizý týraly Qazaqstan Respýblıkasynyń Úkimeti qaýly etedi: 1. «Qazaqstan Respýblıkasynyń azamattyǵyn qabyldaýdy jáne odan shyǵýdy tirkeý boıynsha memlekettik qyzmet kórsetý standartyn bekitý týraly» Qazaqstan Respýblıkasy Úkimetiniń 2009 jylǵy 14 jeltoqsandaǵy № 2106 qaýlysyna (Qazaqstan Respýblıkasynyń PÚAJ-y, 2009 j., № 59, 515-qujat) mynadaı ózgerister engizilsin: taqyrybyndaǵy jáne 1-tarmaqtaǵy «kórsetý» degen sóz alynyp tastalsyn; kirispe mynadaı redaksııada jazylsyn: «Qazaqstan Respýblıkasynyń 2008 jylǵy 4 jeltoqsandaǵy Bıýdjet kodeksiniń 34-babyna jáne «Ákimshilik rásimder týraly» Qazaqstan Respýblıkasynyń 2000 jylǵy 27 qarashadaǵy Zańynyń 9-1, 15-2-baptaryna sáıkes Qazaqstan Respýblıkasynyń Úkimeti qaýly etedi:»; kórsetilgen qaýlymen bekitilgen «Qazaqstan Respýblıkasynyń azamattyǵyn qabyldaýdy jáne odan shyǵýdy tirkeý» memlekettik qyzmet kórsetý standarty osy qaýlyǵa qosymshaǵa sáıkes jańa redaksııada jazylsyn. 2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri  K.MÁSIMOV. Qazaqstan RespýblıkasyÚkimetiniń 2011 jylǵy 9 naýryzdaǵy №236 qaýlysyna qosymsha Qazaqstan Respýblıkasy Úkimetiniń 2009 jylǵy 14 jeltoqsandaǵy №2106 qaýlysymen bekitilgen «Qazaqstan Respýblıkasynyń azamattyǵyn qabyldaýdy jáne odan shyǵýdy tirkeý» memlekettik qyzmet standarty 1. Jalpy erejeler 1. Memlekettik qyzmetti osy standartqa 1-qosymshada kórsetilgen meken-jaılar boıynsha Qazaqstan Respýblıkasynyń ishki ister organdary kóshi-qon polısııasynyń aýmaqtyq bólimsheleri (budan ári – kóshi-qon polısııasy bólimsheleri) kórsetedi. 2. Kórsetiletin memlekettik qyzmet nysany: avtomattandyrylmaǵan. 3. Memlekettik qyzmet «Qazaqstan Respýblıkasynyń azamattyǵy týraly» Qazaqstan Respýblıkasynyń 1991 jylǵy 20 jeltoqsandaǵy Zańynyń 10, 15-17, 19-20, 30-34, 37-41-baptaryna, Belarýs Respýblıka­synyń, Qazaqstan Respýblıkasynyń, Qyrǵyz Respýblıkasynyń jáne Reseı Federasııasynyń arasyndaǵy Azamattyq alýdyń ońaılatylǵan tártibi týraly kelisimniń 1, 2-baptaryna, Qazaqstan Respýblıkasy qosylǵan 1957 jylǵy 20 aqpandaǵy Turmystaǵy áıelderdiń azamattyǵy týraly konvensııanyń 1, 2-baptaryna (1999 jylǵy 30 jeltoqsandaǵy Zań), 2001 jylǵy 16 naýryzdaǵy Zańmen ratıfıkasııalanǵan Ýkraınada turaqty turyp jatqan Qazaqstan Respýblıkasy azamattarynyń jáne Qazaqstan Respýblıkasynda turaqty turyp jatqan Ýkraına azamat­tarynyń azamattyq alýynyń jáne ony toqtatýynyń ońaılatylǵan tártibi jáne azamattyqtyń bolmaýy men qos azamattyq jaǵdaılaryn boldyrmaý týraly Qazaqstan Respýblıkasy men Ýkraına arasyndaǵy kelisimniń 1, 2-baptaryna, Qazaqstan Respýblıkasy Prezıdentiniń 2005 jylǵy 6 maýsymdaǵy № 1587 Jarlyǵymen bekitilgen Qazaqstan Respýblıkasynyń azamattyǵyna qabyldaýdyń ońaılatylǵan tártibi belgilenetin adamdar úshin kásipterdiń tizbesine jáne olarǵa qoıylatyn talaptarǵa, Qazaqstan Respýblıkasy Prezıdentiniń 2006 jylǵy 10 qazandaǵy № 198 Jarlyǵymen bekitilgen Qazaqstan Respýblıkasy Prezıdentiniń janyndaǵy Azamattyq máseleleri jónindegi komıssııa týraly erejeniń 3, 6, 17-23, 42, 43-tarmaqtaryna, Qazaqstan Respýb­lıkasy Úkimetiniń 2007 jylǵy 30 maýsymdaǵy № 558 qaýlysymen bekitilgen Memlekettik qyzmettiń úlgi standartyna, Qazaqstan Respýblıkasy Úkimetiniń 2010 jylǵy 20 shildedegi № 745 qaýlysymen bekitilgen Jeke jáne zańdy tulǵalarǵa kórsetiletin memlekettik qyzmetter tiziliminiń 13-tarmaǵyna sáıkes kórsetiledi. 4. Memlekettik qyzmet kórsetý tártibi jáne qajetti qujattar týraly tolyq aqparat, sondaı-aq olardy toltyrý úlgileri Qazaqstan Respýblı­kasy Ishki ister mınıstrliginiń (budan ári – IIM) www.mvd.kz jáne tizbesi osy standartqa 1-qosymshada kórsetilgen oblystardyń, Astana jáne Almaty qalalarynyń ishki ister departamentteriniń (budan ári – IID) ınternet-resýrsynda, «Ishki ister organdarynyń qyzmeti týraly» bólimde, sondaı-aq resmı aqparat kózderi men kóshi-qon polısııasynyń bólimshelerinde ornalasqan stendilerde ornalastyrylady. 5. Tutynýshyǵa Qazaqstan Respýblıkasynyń azamattyǵyna qabyldaý týraly ne Qazaqstan Respýblıkasynyń azamattyǵynan shyǵý týraly anyqtama (qaǵaz tasyǵyshta) ne qyzmet kórsetýden bas tartý týraly dáleldi jaýap berý kórsetiletin memlekettik qyzmettiń aıaqtalý nátıjesi bolyp tabylady. 6. Memlekettik qyzmet: 1) Qazaqstan Respýblıkasynyń aýmaǵynda turaqty turatyn oralmandarǵa (turý merzimine qaramastan); 2) Qazaqstan Respýblıkasynyń azamattarymen týystyq qatynasta turatyn (ájesi, atasy, anasy, ákesi, aǵa-inileri, ápke-qaryndastary, sińli­leri, jubaılary, balalary) Qazaqstan Respýblıkasynyń aýmaǵynda turaqty turatyn Ýkraına azamattaryna (turý merzimine qaramastan); 3) Qazaqstan Respýblıkasynyń nemese Qazaq Keńestiń Sosıalıstik Respýblıkasynyń (budan ári – Qazaq KSR) aýmaǵynda týǵan nemese Qazaqstan Respýblıkasynyń azamattarymen týystyq qatynasta turatyn (ájesi, atasy, anasy, ákesi, aǵa-inileri, ápke-qaryndastary, sińlileri, jubaılary, balalary) Qazaqstan Respýblıkasynyń aýmaǵynda turaqty turatyn Belarýs Respýblıkasynyń, Qyrǵyz Respýblıkasynyń jáne Reseı Federasııasynyń azamattaryna (turý merzimine qaramastan); 4) BUU Bas Assambleıasynyń 1957 jylǵy 29 qańtardaǵy 1040 qararymen qol qoıý jáne bekitý úshin ashyq Turmystaǵy áıelderdiń aza­mat­tyǵy týraly konvensııanyń qoldanylýy aıasyna túsetin adamdarǵa; 5) Qazaqstan Respýblıkasynda turaqty turatyn (turý merzimine qaramastan), jaqyn týysqandarynyń biri - balalary (onyń ishinde asyrap alǵan), jubaılary, ata-anasynyń (asyrap alýshylardyń) biri, aǵa-inileri, ápke-qaryndastary, sińlileri, atasy nemese ájesi – Qazaq­stan Respýblıkasynyń azamaty bar burynǵy Keńestik Sosıalıstik Respýblıkalar Odaǵynyń respýblıkalary – memleketteriniń azamattaryna; 6) osy standarttyń 2-qosymshasynda kórsetilgen tizbege sáıkes «Qazaqstan Respýblıkasynyń azamattyǵyna qabyldaýdyń ońaılatylǵan tártibi belgilenetin adamdar úshin kásipterdiń tizbesin jáne olarǵa qoıylatyn talaptardy bekitý týraly» Qazaqstan Respýblıkasy Pre­zıden­tiniń 2005 jylǵy 6 maýsymdaǵy № 1587 Jarlyǵyna saı keletin Qazaqstan Respýblıkasynyń aýmaǵynda turaqty turatyn (turý merzimine qaramastan) sheteldikterge; 7) Qazaqstan Respýblıkasynyń azamatymen keminde úsh jyl nekede turǵan Qazaqstan Respýblıkasynyń aýmaǵynda turaqty turatyn sheteldikter men azamattyǵy joq adamdarǵa (turý merzimine qaramastan); 8) Qazaqstan Respýblıkasynyń aýmaǵynda keminde bes jyl turaqty turatyn sheteldikter men azamattyǵy joq adamdarǵa; 9) Qazaqstan Respýblıkasynyń azamattyǵynan shyǵýdy qalaıtyn, Qazaqstan Respýblıkasynda turaqty turatyn Qazaqstan Respýblıkasynyń azamattaryna kórsetiledi. 7. Memlekettik qyzmetti kórsetý merzimderi: 1) tutynýshynyń osy standarttyń 11-tarmaǵynda kórsetilgen qajetti qujattardy tapsyrǵan sátinen bastap: 2) 6-tarmaqtyń 1), 5), 6), 7), 8) jáne 9) tarmaqshalarynda kórsetilgen adamdar úshin – osy standarttyń 3, 4-qosymshalaryna sáıkes tutynýshy ótinishtiń qabyldanǵany týraly anyqtamany alǵan sátten bastap alty aı; 3) 6-tarmaqtyń 2), 3) jáne 4) tarmaqshalarynda kórsetilgen adamdar úshin – osy standarttyń 3-qosymshasyna sáıkes tutynýshy ótinishtiń qabyldanǵany týraly anyqtamany alǵan sátten bastap úsh aı; 4) memlekettik qyzmetti usyný úshin qajetti qujattardy ótkizý kezinde tutynýshynyń kezek kútýiniń ruqsat etilgen eń uzaq ýaqyty – 30 mınýt; 5) Qazaqstan Respýblıkasynyń azamattyǵyna qabyldaý ne Qazaqstan Respýblıkasynyń azamattyǵynan shyǵý týraly anyqtamany alý kezinde alýshyǵa qyzmet kórsetýdiń ruqsat etilgen eń uzaq ýaqyty – 30 mınýt. 8. Memlekettik qyzmet aqyly bolyp tabylady. Memlekettik qyzmet kórsetilgeni úshin «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasy Kodeksiniń (Salyq kodeksi) 538-babyna sáıkes memlekettik baj alynady, ol memlekettik baj tólengen kúnge belgilengen aılyq eseptik kórsetkishtiń 100 paıyzyn quraıdy. Memlekettik bajdyń somasyn tóleý bankter nemese bank operasııalarynyń jekelegen túrlerin júzege asyratyn uıymdar arqyly aýdarý jolymen júrgiziledi, olar tólemniń mólsheri men kúnin rastaıtyn qujat beredi. 9. Memlekettik qyzmet aptasyna bes jumys kúninde usynylady, jumys kúnderi saǵat 13-00-den 14-30-ǵa deıingi túski úzilispen saǵat 9-00-den 18-30-ǵa deıin, sondaı-aq senbide saǵat 9-00-den 13-00-ge deıin usynylady. Qabyldaý naqty kezekke turý tártibimen, aldyn ala jazylýsyz jáne jedel qyzmet kórsetýsiz júzege asyrylady. 10. Osy memlekettik qyzmetti kórsetetin kóshi-qon polısııasy bólimsheleriniń úı-jaılary ǵımarattyń birinshi qabatynda ornalasady, ishki ister organdarynyń basqa bólimshelerinen bólek, fızıkalyq múmkindikteri shekteýli adamdardyń kirýine arnalǵan qurylǵylary bar kiretin esigi bolady. Kútý zaly, qujattardy toltyrýǵa arnalǵan oryndar qajetti qujattardyń tizbesi men olardy toltyrý úlgileri bar stendilerimen jaraqtalady. 2. Memlekettik qyzmet kórsetý tártibi 11. Memlekettik qyzmetti alý úshin tutynýshylar: 1) Qazaqstan Respýblıkasynyń azamattyǵyna qabyldaý úshin: tutynýshy erkin nysanda toltyratyn jeke ótinish; blankisin kóshi-qon polısııasy bólimsheleriniń qyzmetkerleri beretin saýalnama-ótinish; ólshemi 35h45 mm tórt fotosýret (fotosýret tutynýshynyń jasyna sáıkes bolýy jáne qatań túrde jaryq jerde aldynan túsirilgen bolýy tıis ári adamnyń beti fotosýrettiń jalpy aýdanynyń 75%-ǵa jýyǵyn alýy tıis); blankisin kóshi-qon polısııasy bólimsheleriniń qyzmetkerleri beretin «Qazaqstan Respýblıkasynyń azamattyǵy týraly» Qazaqstan Respýb­lıkasy Zańynyń 1-babynda kózdelgen sharttardy saqtaý týraly mindetteme; memlekettik bajdy tólegeni nemese ony tóleýden bosatylǵany týraly qujat; basqa memleket azamattyǵynyń joq ekendigi nemese ony toqtatqany týraly anyqtama usynady. Atalǵan qujattardan basqa qosymsha: oralmandar – Qazaqstan Respýblıkasy Ishki ister mınıstrliginiń Kóshi-qon polısııasy men kóshi-qon polısııasynyń bólimsheleri beretin oralman kýáligin; erkin nysanda jasalatyn burynǵy azamattyǵynan bas tartý týraly ótinish; Qazaqstan Respýblıkasynyń azamattyǵyn ońaılatylǵan tártippen alatyn Ýkraına azamattary – Qazaqstan Respýblıkasynyń azamaty – jaqyn týysqandarynyń biriniń jeke kýáliginiń kóshirmesin; Qazaqstan Respýblıkasynyń azamattarymen týystyq dárejesin rastaıtyn qujattardy; Ýkraınanyń quzyretti organdary beretin áskerı mindetti atqarǵanyn ne odan bosatylǵanyn rastaıtyn qujatty (áskerge shaqyrylatyn jastaǵy adamdar úshin); Qazaqstan Respýblıkasynyń azamattyǵyn ońaılatylǵan tártippen alatyn Belarýs Respýblıkasynyń, Qyrǵyz Respýblıkasynyń, Reseı Federa­sııasynyń azamattary – Qazaqstan Respýblıkasy azamatynyń jaqyn týysqan­darynyń biriniń jeke kýáliginiń kóshirmesin; Qazaqstan Respýblı­kasynyń azamattarymen týystyq dárejesin rastaıtyn qujattardy; tutynýshynyń Belarýs KSR-ynyń, Qazaq KSR-ynyń, Qyrǵyz KSR-ynyń nemese RKFSR-dyń azamattyǵynda jáne bir mezgilde burynǵy KSRO-nyń azamattyǵynda turǵanyn, 1991 jyldyń 21 jeltoqsanyna deıin Qazaqstan Respýblıkasynyń aýmaǵynda týǵanyn nemese turǵanyn rastaıtyn qujattardy; burynǵy KSRO respýblıkalarynyń azamattary – buryn azamat­tyǵynda turǵan memlekettiń quzyretti organy beretin burynǵy azamattyǵyn toqtatý týraly anyqtamany; Qazaqstan Respýblıkasy azamatynyń jaqyn týysqanynyń biriniń jeke kýáliginiń kóshirmesin; Qazaqstan Respýblıkasynyń azamattarymen týystyq dárejesin ras­taıtyn qujattardy; osy standarttyń 2-qosymshasynda kórsetilgen «Qazaqstan Respýblı­kasynyń azamattyǵyna qabyldaýdyń ońaılatylǵan tártibi belgilenetin adamdar úshin kásipterdiń tizbesin jáne olarǵa qoıylatyn talaptardy bekitý týraly» Qazaqstan Respýblıkasy Prezıdentiniń 2005 jylǵy 6 maýsymdaǵy № 1587 Jarlyǵymen bekitilgen Kásipterdiń tizbesine sáıkes sheteldikter – beıindi memlekettik organnyń qoldaýhatyn, erkin nysanda jasalatyn burynǵy azamattyǵynan bas tartý týraly ótinish; Qazaqstan Respýblıkasynyń azamatymen keminde úsh jyl nekede turatyn sheteldikter men azamattyǵy joq adamdar – Qazaqstan Respýblıkasynyń azamaty – jubaıynyń (zaıybynyń) jeke kýáligin; neke týraly kýáliktiń kóshirmesin, buryn azamattyǵynda turǵan memleket­tiń quzyretti organy beretin burynǵy azamattyǵyn toqtatý týraly anyqtama; Qazaqstan Respýblıkasynyń aýmaǵynda keminde bes jyl turaqty turatyn sheteldikter men azamattyǵy joq adamdar – Qazaqstan Respýblıkasynyń aýmaǵynda keminde bes jyl turaqty turǵanyn rastaıtyn qujat, buryn azamattyǵynda turǵan memlekettiń quzyretti organy beretin burynǵy azamattyǵyn toqtatý týraly anyqtama usynady. Eskertpe: azamattyǵy joq adam mártebesin týǵannan keıin nemese Qazaqstan Respýblıkasyna kelgenge deıin alǵan adamdar burynǵy azamattyǵynyń toqtatylǵany týraly anyqtamany tapsyrmaıdy; 2) Qazaqstan Respýblıkasynyń azamattyǵynan shyǵý úshin: tutynýshy erkin nysanda jasaıtyn jeke ótinish; blankisin kóshi-qon polısııasy bólimshesiniń qyzmetkeri beretin saýalnama-ótinish; ómirbaıan; ólshemi 35h45 mm úsh fotosýret (fotosýret tutynýshynyń jasyna sáıkes bolýy jáne qatań túrde jaryq jerde aldynan túsirilgen bolýy tıis ári adamnyń beti fotosýrettiń jalpy aýdanynyń 75 %-ǵa jýyǵyn alýy tıis); jeke kýáliginiń, balanyń týý jáne neke týraly kýálikteriniń kóshirmelerin; jumys, oqý ornynan, al jumys istemeıtinder – Qazaqstan Respýblıkasy Ádilet mınıstrligi Sot ákimshiligi komıtetiniń aýmaqtyq organynan adamnyń memleket aldynda oryndalmaǵan azamattardyń múddelerine baılanysty mindettemeleriniń ne azamattardyń menshik nysanyna qaramastan, Qazaqstan Respýblıkasynyń memlekettik organ­dary jáne uıymdarynyń múddelerine baılanysty múliktik mindetteriniń bar nemese joq ekeni kórsetilgen anyqtama; áskerge shaqyrylatyn jastaǵy (18-den 27 jasqa deıin) adamdy merzimdi áskerı qyzmet ótkerýden bosatý týraly áskerı komıssarıattan anyqtama; memlekettik bajdy tólegeni nemese ony tóleýden bosatylǵany týraly qujat usynylady. 12. Blankilerdi kóshi-qon polısııasy bólimsheleriniń qyzmetkerleri beredi, sondaı-aq IIM-niń www.mvd.kz, IID-niń ınternet-resýrsynda «Ishki ister organdarynyń qyzmeti týraly» bóliminde ornalastyrylady, olardyń tizbesi osy standartqa 1-qosymshada kórsetilgen. 13. Toltyrylǵan ótinishter men osy standarttyń 12-tarmaǵynda kórsetilgen blankiler tutynýshynyń bolatyn jeri boıynsha kóshi-qon polısııasy bólimshelerine tapsyrylady. 14. Kóshi-qon polısııasy bólimshesiniń qyzmetkeri tutynýshyǵa osy standartqa 5-qosymshaǵa sáıkes nysan boıynsha qujattardy qabyl­daǵany týraly talon beredi. 15. Qazaqstan Respýblıkasynyń azamattyǵyna qabyldaý nemese odan shyǵý máselesi boıynsha qabyldanǵan sheshim týraly Qazaqstan Respýblıkasy Prezıdentiniń Jarlyǵyna qol qoıylǵan, oblystardyń, Astana, Almaty qalalarynyń IID qorytyndysy alynǵan sátten bastap tutynýshyny kóshi-qon polısııasy bólimshesiniń qyzmetkeri jeti jumys kúni merziminde telefon arqyly nemese jeke qabyldaýda habardar etedi. Qazaqstan Respýblıkasynyń azamattyǵyna qabyldaý nemese odan shyǵý týraly anyqtama tutynýshyǵa, sheteldiktiń pasporty, azamattyǵy joq adamnyń kýáligi ne bolmasa Qazaqstan Respýblıkasy azamatynyń jeke kýáligi men pasporty kóshi-qon polısııasy bólimshesine tapsyryl­ǵannan keıin beriledi. 16. «Qazaqstan Respýblıkasynyń azamattyǵy týraly» Zańnyń 17-babyna sáıkes, eger Qazaqstan Respýblıkasynyń azamattyǵyna qabyldaý týraly ótinish jasaýshy adam: 1) azamatqa qarsy halyqaralyq quqyqta kózdelgen qylmys jasasa, Qazaqstan Respýblıkasynyń egemendigi men táýelsizdigine ádeıi qarsy shyqsa; 2) Qazaqstan Respýblıkasy terrıtorııasynyń birligi men tutastyǵyn buzýǵa shaqyrsa; 3) memleket qaýipsizdigine, halyqtyń densaýlyǵyna nuqsan keltiretin quqyqqa qarsy is-áreket jasasa; 4) memleketaralyq, ultaralyq jáne dinı arazdyqty qozdyratyn bolsa, Qazaqstan Respýblıkasy memlekettik tiliniń qoldanylýyna qarsy áreket jasasa; 5) terrorıstik áreketi úshin sottalǵan bolsa; 6) sot erekshe qaýipti baýkespe dep tanysa; 7) basqa memlekettiń azamaty bolsa, onyń ótinishi qabyldanbaıdy. Qazaqstan Respýblıkasynyń azamattyǵynan shyǵýdan, eger bul týraly qoldaýhat bergen adamnyń Qazaqstan Respýblıkasynyń aldynda oryndalmaǵan mindettemeleri nemese azamattardyń nemese Qazaqstan Respýblıkasynyń aýmaǵynda ornalasqan kásiporyndardyń, mekemeler men uıymdardyń, qoǵamdyq birlestikterdiń eleýli múddelerine baıla­nysty múliktik mindettemeleri bolsa, bas tartylady. Qazaqstan Respýblıkasynyń azamattyǵynan shyǵýǵa, eger bul týraly qoldaýhat bergen adam aıyptalýshy retinde qylmystyq jaýapkershilikke tartylsa ne sottyń kúshine engen úkimi boıynsha jazasyn ótep júrse nemese bul adamnyń Qazaqstan Respýblıkasynyń azamattyǵynan shyǵýy Qazaqstan Respýblıkasynyń memlekettik qaýipsizdiginiń múddelerine qaıshy kelse, jol berilmeıdi. Budan basqa, osy standarttyń 11-tarmaǵynda kórsetilgen qujat­tardy tabys etpeý tutynýshyǵa memlekettik qyzmetti kórsetýden bas tartý úshin negiz bolyp tabylady. 3. Jumys qaǵıdattary 17. Kóshi-qon polısııasy bólimsheleriniń qyzmeti adamnyń konstıtýsııalyq quqyqtaryn, qyzmettik boryshty oryndaý kezinde zańdylyqty, Ishki ister organdary qyzmetkeriniń ar-namys kodeksin saqtaýǵa negizdeledi jáne sypaıylyq, tolyq aqparat berý, onyń saqtalýyn, qorǵalýyn jáne qupııalylyǵyn qamtamasyz etý qaǵıdat­tarynda júzege asyrylady. 4. Jumys nátıjeleri 18. Kóshi-qon polısııasy bólimsheleriniń jumys nátıjeleri osy standartqa 6-qosymshaǵa sáıkes sapa jáne tıimdilik kórsetkishterimen ólshenedi. 19. Kóshi-qon polısııasy bólimsheleriniń jumysy baǵalanatyn memlekettik qyzmetterdiń sapasy men tıimdiligi kórsetkishteriniń nysanaly mánderi jyl saıyn IIM-niń buıryǵymen bekitiledi. Shaǵymdaný tártibi 20. Memlekettik qyzmet kórsetý nátıjelerine shaǵymdaný tártibi týraly aqparatty osy standartqa 1-qosymshada kórsetilgen meken-jaılar boıynsha IID-niń, Qazaqstan Respýblıkasy IIM Kóshi-qon polısııasy komıtetiniń (budan ári – KQPK), IIM hatshylyǵynan alýǵa bolady. 21. Kórsetilgen memlekettik qyzmet nátıjelerimen kelispegen jaǵdaıda tutynýshy shaǵymdy KQPK-ǵa mynadaı meken-jaı boıynsha beredi: Astana qalasy, Y. Dúkenuly kóshesi, 23/1, telefon: 20-55-73. Jumys kestesi: jumys kúnderi saǵat 9-00 bastap 18-30-ǵa deıin, túski úzilis saǵat 13-00-den 14-30-ǵa deıin. 22. Dóreki qyzmet kórsetilgen jaǵdaıda shaǵym Qazaqstan Respýb­lıkasy Ishki ister mınıstriniń atyna mynadaı meken-jaı boıynsha: Astana qalasy Táýelsizdik dańǵyly, 1; telefon: 8(7172)71-40-10, faks 8(7172)37-06-01, jumys kúnderi saǵat 9-00-den 18-30-ǵa deıin, túski úzilis saǵat 13-00-den 14-30-ǵa deıin, sondaı-aq www.mvd.kz ınternet-resýrsynda beriledi. 23. Kórsetilgen memlekettik qyzmettiń nátıjelerimen kelispegen jaǵdaıda tutynýshynyń zańnamada belgilengen tártippen sotqa júginýge quqyǵy bar. 24. Shaǵym erikti nysandy jazbasha túrde poshta, elektrondyq poshta ne IIO-nyń, IID-niń, KQPK, IIM-niń keńsesi arqyly qolma-qol qabyldanady. Jeke tulǵanyń shaǵymynda onyń tegi, aty, ákesiniń aty, poshtalyq meken-jaıy, zańdy tulǵanyń shaǵymynda onyń ataýy, poshtalyq meken-jaıy, shyǵys nómiri men kúni kórsetiledi. Shaǵymǵa tutynýshy qol qoıýy tıis. 25. Qabyldanǵan shaǵym ishki ister organynyń aqparatty esepke alý jýrnalyna tirkeledi. О́tinishti/aryzdy kúni men ýaqyty, qabyldaǵan adamnyń tegi jáne aty-jóni, sondaı-aq berilgen shaǵymǵa alynatyn jaýaptyń merzimi men orny jáne osy standartqa 7-qosymshaǵa sáıkes nysan boıynsha shaǵymdy qaraý barysy týraly bilýge bolatyn laýazymdy adamdardyń baılanys derekteri kórsetilgen talon shaǵymnyń qabyldanǵanyn rastaıtyn qujat bolyp tabylady. Shaǵym «Jeke jáne zańdy tulǵalardyń ótinishterin qaraý tártibi týraly» Qazaqstan Respýblıkasynyń 2007 jylǵy 12 qańtardaǵy Zańynda belgilengen tártippen qaralady. 26. Memlekettik qyzmet týraly qosymsha aqparatty mynadaı mekenjaı boıynsha: 010000, Astana qalasy, Y. Dúkenuly kóshesi 23/1; IIM-niń ınternet-resýrsy: www.mvd.kz, «Ishki ister organdarynyń qyzmeti týraly» bólimde, qabyldaý bólmesiniń telefony 8 (7172) 20-55-73, osy standartqa 1-qosymshaǵa sáıkes IID-den alýǵa bolady.