Keńeske Ulttyq ekonomıka mınıstrliginiń ókilderi, oblys ákimi orynbasarlary, oblystyq aýyl sharýashylyǵy basqarmalarynyń basshylary qatysty.
2012 jyly Úkimetpen baǵanyń negizsiz ósýine jáne alyp-satarlyqqa jol bermeýge jáne maýsymdyq aýytqýdy deńgeılestirýge baǵyttalǵan azyq-túlik naryǵyn retteý boıynsha sharalar qabyldanǵanyn, sondaı-aq azyq-túlik taýarlarynyń óńirlik turaqtandyrý qorlary qurylǵanyn atap ótken jón. «Azyq-túlik korporasııasy» AQ arqyly 17,1 mlrd teńge kóleminde áleýmettik-kásipkerlik korporasııalar qarjylandyryldy.
Sonymen qatar, Aýyl sharýashylyǵy, Ekonomıka mınıstrligi, Almaty men Astana qalalarynyń jáne oblys ákimdikteri arasynda áleýmettik mańyzy bar azyq-túlik taýarlarynyń baǵasynyń kóterilýine jol bermeý týraly Memorandým jasalǵan bolatyn.
Jergilikti atqarýshy organdardyń jaýapkershiligin arttyrý maqsatynda óńirler boıynsha 2017 jyldyń ár aıyna arnalǵan tutynýshy baǵa ındeksi ázirlendi.
Búgingi kúni Almaty jáne Astana qalalary, oblys ákimdikteriniń málimetteri boıynsha 2016 jyldyń basynan 2017 jyldyń 25 sáýirine deıingi kezeńde Turaqtandyrý qorlaryna 22 myń tonna azyq-túlik taýarlary satyp alyndy.
Sonymen birge, qańtar aıynan bastap 16 mamyrǵa deıin keıbir azyq-túlik taýarlarynyń baǵasy tómendegeni baıqalady: taýyq jumyrtqasy – 18,6%, qaraqumyq jarmasy - 10,3%, qant - 6,8%, kúnbaǵys maıy - 5,8%.
