Eldigimizdiń belgisi bıikte turady

Aldaǵyny qapysyz boljaı­tyn kóregen kósem, halqyn soq­paqty joldan adastyrmaı alyp ótken qajyrly qaırat­ker, eline álemniń mártebeli minberlerinen oıyp turyp oryn saılaǵan saıasatker, Elbasy Nursultan Nazarbaevtyń «Mem­lekettik rámizder – bul biz­diń memlekettiligimizdiń, egemen­digi­mizdiń berik negiziniń biri. Olar Táýelsizdiktiń qasıetti biriktirýshi obrazyn  bildiredi», – dep baǵa bergen eldigimizdiń úshtaǵany shyn máninde ulttyq qundylyǵymyzǵa aınaldy.

Erkindiktiń eleń-alańynda qabyldanǵan memlekettik rámiz­derimizdiń mánin biz mektepke barǵannan-aq uǵyna bastadyq.  Memlekettik týdaǵy qyran men Eltańbadaǵy qanatty py­raq­tarǵa talaı márte qyzyǵa qara­ǵanymyz este. Saltanatty jıyndarda ǵana oryndalatyn Memlekettik gımnniń qudiretin sezine tústik. «Meniń elim...» dep shyrqaǵan sátte úlkenderdiń janaryna jas úıirilgenin kórip, tańǵalatyn edik. Bul týǵan jeriniń ár súıemin qasyqtaı qany qalǵansha qorǵaǵan, azat Qazaqstannyń ánurany asqaq­tap, týynyń kókke kóterilýin kók­segen, osy jolda jan qıǵan babalar erligine qurmet ekenin keıin uqtym.

Gımnniń alǵashqy áýenderi oınala bastaǵanda-aq kindik qanyń tamǵan kıeli jeriń, onyń ótkeni men búgini kóz aldyńa kele qalady. Talaı ótkelekten aman ótken eldiń júrek sózine aınalǵan Ánuran jigerińdi janı túsedi. Bul baltalasa da buzylmaıtyn berekeniń arqa­syn­da búginge jetip, baıtaq  Otan­nan baqyt tapqan jurttyń jan tebirenisi.

Bizdiń Jańaqorǵan ult rý­hanııatynyń talaı-talaı qabyr­ǵaly qaıratkerlerin túletken óńir. Solardyń biri – belgili sáý­letshi, Memlekettik Eltańba av­tory Jandarbek Málibekov aǵamyz. 

Oqýshy kezimizde ol kisimen ótken talaı kezdesýge qatystyq. Sondaı sátterdiń birinde sáý­let­shi Eltańbada beınelengen shańyraqtaǵy ýyqtar Qa­zaqstandaǵy ulttardyń birligin beıneleıtinin aıtyp edi. Qazir qaı mekemege barsańyz da bizdiń eldegi dostyqtyń beriktigin beıneleıtin osy Eltańba sizdi aldymen qarsy alady.

Memlekettik rámizder bári­miz úshin óte qasıetti uǵym. Hal­qy­myzdyń ǵasyrlar boıy arman­daǵan táýelsizdiginiń jemisi. О́z basym elimizdiń kók týyn shamam jetkenshe kók­ke kóterip, shet elderdegi iri ja­rys­tarda memleketimizdiń án­ura­nyn shyrqatýǵa úles qo­syp júrgenime ishteı bolsa da mar­qaıamyn. О́ıtkeni, týǵan eliń­niń namysyn qorǵaǵannan, týǵan jerińniń abyroıyn arttyr­ǵannan artyq baqyt joq.

Dáýlet NIIаZBEKOV,
erkin kúresten Azııa chempıony

Qyzylorda oblysy