Almatyda ótetin Ýnıversıadanyń resmı aqparattyq seriktesi Qazaqstan baspasóz klýby málimdegendeı, Dúnıejúzilik ýnıversıadaǵa qatysatyn Qazaqstannyń mánerlep syrǵanaý komandasynyń aqyrǵy tizimi anyqtaldy. Osylaısha, Qazaqstan chempıonatynyń aqtyq saıystarynyń nátıjesinde áıelder komandasynda bos turǵan eki orynǵa qatysty másele sheshildi.
Erler komandasyna Denıs Ten, Abzal Raqymǵalıev jáne Artýr Panıhın kirgen bolsa, áıelder arasyndaǵy saıystarda el namysyn Aıza Imanbek, Veronıka Sheveleva jáne Jansaıa Ádihanova qorǵaıtyn bolady.
Sochıdegi Olımpııa oıyndarynyń qola júldegeri Denıs Ten qysqy Ýnıversıada kezinde erler arasyndaǵy jeke mánerlep syrǵanaý jarysynyń basty favorıtteriniń biri bolmaq. Alaıda, bapkerler áıelder komandasyna medal úshin kúres qıynǵa soǵady dep esepteıdi.
– Áıelder komandasyndaǵy jas qyzdardyń oıynynda ózderine tán tartymdy tustary bar, alar bıikteri áli alda. Eń bastysy, olar el atynan barynsha joǵary deńgeıde óner kórsetse deımin. Aıza Imanbek alǵashqy ondyq tizimine kirgenin qalaımyn. Jaqsylap kúshin salyp, qobaljýyn basyp, óz bıin taza oryndap shyǵa alatyn bolsa, onyń qolynan bul keledi. Bizdiń áıelder quramasynyń oıyny barlyǵynyń kóńilinen shyǵady dep úmittenemiz, – dedi Qazaqstannyń mánerlep syrǵanaý quramasynyń bas bapkeri Quralaı Úzirova.
Jas mánerlep syrǵanaýshy Veronıka Sheveleva úshin Ýnıversıada onyń mansabyndaǵy eń kúrdeli saıysqa aınalmaq. Dúnıejúzilik dodaǵa daıyndyqtary qalaı júrip jatqany jóninde ol sózin bylaısha tarqatty:
– Ýnıversıadaǵa qatysatynymdy estigende óte qatty qýandym. Osyndaı deńgeıdegi jarysqa qatysý men úshin úlken qurmet. О́z kúshime senimmen qaraımyn. Biletinimniń bárin kórsete alamyn dep oılaımyn. Qazir múmkindiginshe kóbirek jattyǵýǵa tyrysyp, kún saıyn 3-4 saǵat muzda jattyǵýdamyz.
Oraıy kelip turǵanda eske sala ketelik, qysqy Ýnıversıadanyń búkil tarıhynda qazaqstandyq mánerlep syrǵanaýshylar eki medal jeńip alǵan. 1995 jyly Ispanııanyń Hakasynda Marına Haltýrına men Andreı Krıýkov juptyq oıynda altyn júldeger atansa, Dmıtrıı Kazarlyga men Elızaveta Stekolnıkova elimizge qola medal syılady.
Aınash ESALI,
«Egemen Qazaqstan»
ALMATY
Almatyda ótetin Ýnıversıadanyń resmı aqparattyq seriktesi Qazaqstan baspasóz klýby málimdegendeı, Dúnıejúzilik ýnıversıadaǵa qatysatyn Qazaqstannyń mánerlep syrǵanaý komandasynyń aqyrǵy tizimi anyqtaldy. Osylaısha, Qazaqstan chempıonatynyń aqtyq saıystarynyń nátıjesinde áıelder komandasynda bos turǵan eki orynǵa qatysty másele sheshildi.
Erler komandasyna Denıs Ten, Abzal Raqymǵalıev jáne Artýr Panıhın kirgen bolsa, áıelder arasyndaǵy saıystarda el namysyn Aıza Imanbek, Veronıka Sheveleva jáne Jansaıa Ádihanova qorǵaıtyn bolady.
Sochıdegi Olımpııa oıyndarynyń qola júldegeri Denıs Ten qysqy Ýnıversıada kezinde erler arasyndaǵy jeke mánerlep syrǵanaý jarysynyń basty favorıtteriniń biri bolmaq. Alaıda, bapkerler áıelder komandasyna medal úshin kúres qıynǵa soǵady dep esepteıdi.
– Áıelder komandasyndaǵy jas qyzdardyń oıynynda ózderine tán tartymdy tustary bar, alar bıikteri áli alda. Eń bastysy, olar el atynan barynsha joǵary deńgeıde óner kórsetse deımin. Aıza Imanbek alǵashqy ondyq tizimine kirgenin qalaımyn. Jaqsylap kúshin salyp, qobaljýyn basyp, óz bıin taza oryndap shyǵa alatyn bolsa, onyń qolynan bul keledi. Bizdiń áıelder quramasynyń oıyny barlyǵynyń kóńilinen shyǵady dep úmittenemiz, – dedi Qazaqstannyń mánerlep syrǵanaý quramasynyń bas bapkeri Quralaı Úzirova.
Jas mánerlep syrǵanaýshy Veronıka Sheveleva úshin Ýnıversıada onyń mansabyndaǵy eń kúrdeli saıysqa aınalmaq. Dúnıejúzilik dodaǵa daıyndyqtary qalaı júrip jatqany jóninde ol sózin bylaısha tarqatty:
– Ýnıversıadaǵa qatysatynymdy estigende óte qatty qýandym. Osyndaı deńgeıdegi jarysqa qatysý men úshin úlken qurmet. О́z kúshime senimmen qaraımyn. Biletinimniń bárin kórsete alamyn dep oılaımyn. Qazir múmkindiginshe kóbirek jattyǵýǵa tyrysyp, kún saıyn 3-4 saǵat muzda jattyǵýdamyz.
Oraıy kelip turǵanda eske sala ketelik, qysqy Ýnıversıadanyń búkil tarıhynda qazaqstandyq mánerlep syrǵanaýshylar eki medal jeńip alǵan. 1995 jyly Ispanııanyń Hakasynda Marına Haltýrına men Andreı Krıýkov juptyq oıynda altyn júldeger atansa, Dmıtrıı Kazarlyga men Elızaveta Stekolnıkova elimizge qola medal syılady.
Aınash ESALI,
«Egemen Qazaqstan»
ALMATY
Sońǵy jańalyqtar
Qazaqstan quramasy Qysqy Olımpıada oıyndarynyń ashylý rásimine qatysty
Sport • Búgin, 01:41
Alına Chıstıakova Qazaqstan quramasyna alǵashqy altyn medaldi syılady
Jeńil atletıka • Búgin, 00:55
Qysqy Olımpıada oıyndarynyń ashylý saltanaty bastaldy
Sport • Búgin, 00:25
Rýslan Kýrbanov semserlesýden Germanııadaǵy álem kýboginiń jeńimpazy atandy
Sport • Búgin, 00:13
Qysqy Olımpıada-2026: Jarys kestesi jarııalandy
Sport • Keshe
Almatyda jasyrylǵan esirtki zerthanasy áshkerelendi
Esirtki • Keshe
Myqty teńge ekonomıkany nege qoldamaıdy?
Ekonomıka • Keshe
Atyraý oblysynda buzaqylyq deregimen 121 adamǵa sot úkimi shyqty
Aımaqtar • Keshe
