foto: olympickz/Salı Sabırov, Turar Qazanǵapov
Qazaqstan quramasy delegasııalar sherýinde 44-shi bolyp shyqty. Delegasııalardyń reti el ataýlarynyń Italııa tilindegi álipbı tártibi boıynsha anyqtaldy.
Mılandaǵy «San-Sıro» stadıonynda elimizdiń memlekettik týyn short-trekten eki dúrkin álemniń vıse-chempıony Denıs Nıkısha alyp shyqty. Delegasııa quramyna Mılanda óner kórsetetin konkı sport túrleriniń ókilderi endi.
Osy ýaqytta Lıvıno qalasynda elimizdiń memlekettik týyn Ýnıversıadanyń vıse-chempıony, frıstaıl-mogýldan sportshy Aıaýlym Ámrenova alyp shyqty. Onyń artynan shańǵy frıstaıly túrlerinde baq synaıtyn Qazaqstan delegasııasynyń bir bóligi júrip ótti.
Kortına men Predasso qalalarynda qazaqstandyq shańǵyshylar, bıatlonshylar, taý shańǵyshylary, tramplınnen sekirýshiler jáne qossaıys sheberleri sherýge qatysty. Aıaýlym Ámrenova men Denıs Nıkısha – 2026 jylǵy qysqy Olımpıada oıyndarynda Qazaqstan quramasynyń resmı tý ustaýshylary.
Aıta keteıik, Italııadaǵy XXV Qysqy Olımpıada oıyndarynyń ashylý saltanaty 6 aqpanda Mılan ýaqytymen saǵat 20:00-de (Qazaqstanda 7 aqpanǵa qaraǵan tún) Mılandaǵy áıgili «San-Sıro» stadıonynda bastaldy. Saltanatty keshtiń taqyryby Armonia (ıtalıan tilinen aýdarǵanda «garmonııa», «úılesim») dep atalady.
Eske sala keteıik, Mılan-Kortına Olımpıadasynda el namysyn 10 dıssıplınada 36 sportshy (18 er, 18 áıel) qorǵaıdy. Jalpy dodaǵa 93 memleketten 3000-ǵa jýyq atlet qatysady. Olar 16 baǵdarlamada 116 medal jıyntyǵyn sarapqa salady. Olımpıada 22 aqpanda máresine jetedi.
Qysqy Olımpıada oıyndaryn elimizdiń 4 telearnasy − Qazaqstan, Qazsport, «Habar» jáne Jibek Joly tikeleı efırde kórsetedi.
