Pavlodarda jaramsyz turmystyq tehnıka qabyldanyp jatyr

Pavlodarda turmystyq tehnıka qaldyqtaryn qabyldaý aksııasy bastaldy, dep habarlaıdy 24Habar. Endi halyqtan jınalǵan iske jaramaı qalǵan turmystyq tehnıka qaldyqtary jınalyp, artynan joıý oryndaryna jiberiledi. Qazir oblys ortalyǵyndaǵy iri saýda úıleriniń janyna arnaıy jáshikter ornatylyp jatyr. Aksııa aýyl-aımaqtardy da qamtıdy. Ázirge oblys boıynsha turmystyq qaldyqtardy óńdeýmen bir ǵana kásiporyn aınalysady. «Bizge halyq túsinistikpen qaraıdy. Qazir isten shyqqan turmystyq tehnıkany dalaǵa tastamaı, arnaıy oryndarǵa tapsyrý mádenıeti qalyptasyp keledi. Qýanarlyq jaıt. Qorshaǵan ortany lastaıtyn zattardy qabyldaýdy aldaǵy ýaqytta da jalǵastyra beremiz», – deıdi kásiporyn basshysy Kırıll Maıorov. «Qazaqstan Respýblıkasynyń Ekologııalyq kodeksiniń 301-babyna sáıkes bizde turmysqa jaramaıtyn qaldyqtarǵa tyıym salynady. Olar, mysaly, turmysta qoldanatyn jaramsyz teledıdar, útik, tońazytqyshtar sııaqty qaldyqtar. Sosyn olardy zalalsyzdandyryp, Almaty, Astana qalalarynda arnaıy mekemelerde kómedi», – dep atap ótti memlekettik ekologııalyq ınspektor Azat Amantaev.