Qańtarda 4 kásibı boksshymyz jekpe-jek ótkizedi

Jańa jyldyń alǵashqy aıynda 4 qazaqstandyq kásibı rıngke oralady. Qazaqstandyq kásibı boksshylar arasynda jyldyń alǵashqy kezdesýin Baqtııar Eıýbov (11-0-0, 10KO) bastaıdy, dep habarlaıdy QazAqparat. boxrec.com saıtynyń jarystar kestesine súıensek, jartylaı orta salmaqta óner kórsetip júrgen otandasymyz Baqtııar Eıýbov 7 qańtarda jáne 22 qańtarda eki kezdesý ótkizýdi josparlap otyr. Ol erteń AQSh-tyń Dırborn qalasynda argentınalyq Elvın Perespen ( 28-16-4, 19KO) judyryqtasady, al 22 qańtardaǵy qarsylasy ázirge belgisiz. 2016 jyldyń qarasha aıynda orta salmaqta kásibı mansabyn bastaǵan  Bobırjan Momınov ( 1-0-0, 1KO) 14 qańtar AQSh-tyń Meıkon qalasynda AQSh boksshysy Stıven Basspen (1-4-0) 4 raýndtyq kezdesý ótkizedi. Kanadada óner kórsetip júrgen jerlesterimiz birinshi jartylaı orta salmaqtaǵy Batyr Júkembaev ( 7-0-0, 6KO) pen jeńil salmaqtaǵy Abylaıhan Qusaıynov (4-0-0, 3KO) 28 qańtarda Kanadanyń Monreal qalasynda jekpe-jek ótkizedi, qarsylastary ázirge belgisiz. Aıta keterligi, 2017 jyly qazaqstandyq kásipqoı bokstyń serkeleri, orta salmaqtaǵy WBA, IBF, IBO jáne WBC chempıony Gennadıı Golovkın (36-0-0, 33KO) 18 naýryzda Nıý-Iorkte WBA turaqty chempıony Denıel Djeıkobspen (32-1, 29 KO), sondaı-aq asa joǵary salmaqtaǵy WBA turaqty álem chempıony Beıbit Shúmenov (17-2, 11 KO) 11 aqpan kúni Maıamıde WBA nusqasynyń ýaqytsha chempıony, kýbalyq boksshy Iýnıer Dortıkospen (21-0, 20 KO), WBA-nyń ýaqytsha álem chempıony Janat Jaqııanov (26-1,18 KO) 10 aqpanda AQSh-ta WBA (Super) jáne IBO tıtýly úshin kýbalyq Raýshı Ýorrenpen (14-1-0,4KO) judyryqtasatyn bolady.