Ekonomıkanyń ósýine áser etken basty faktorlardyń biri ınvestısııalyq belsendiliktiń artýy boldy. Negizgi kapıtalǵa quıylǵan ınvestısııalar kólemi 5,1 paıyzǵa ósip, 7,7 trıllıon teńgeni qurady. Bul týraly Bul týraly búgin QR Prezıdenti Nursultan Nazarbaevtyń tóraǵalyǵymen ótip jatqan Úkimettiń keńeıtilgen otyrysynda Ulttyq ekonomıka mınıstri Tımýr Súleımenov málimdedi. Onyń aıtýynsha, 2016 jyly Qazaqstannyń jalpy ishki óniminiń ósimi 1 paıyzdy qurady.
"2016 jyl jańa syrtqy jáne ishki jaǵdaılarǵa beıimdelý turǵysynan ekonomıka úshin kúrdeli boldy. Energııa resýrstaryna baǵanyń qubylýy joǵary bolǵandyqtan jáne tutynýshylyq belsendilik tómendegendikten ekonomıkalyq belsendilik baıaýlady. Eger ótken jyldyń alǵashqy bes aıy ishinde jalpy ishki ónimniń tómendeýi baıqalsa, Sizdiń bastamańyzben qabyldanǵan «Nurly jol» memlekettik baǵdarlamasy men Daǵdarysqa qarsy jospar sheńberindegi sharalardyń arqasynda ekinshi jartyjyldyqtan bastap ósý qaıta jandandy. 2016 jyldyń qorytyndysy boıynsha jalpy ishki ónimniń ósýi bir paıyzdy qurady", - dedi mınıstr.
Onyń aıtýynsha, ozyq ósim dınamıkasyn myna salalar kórsetti: qurylys sektory 7,9, aýyl sharýashylyǵy sektory 5,5, kólik salasy 3,8 paıyz. Ekonomıkadaǵy taýar óndirisiniń úlesi 36,6 paıyzdy, qyzmet kórsetý úlesi 57,8Z paıyzdy qurady.
«Taý-ken óndirý ónerkásibi úshin kúrdeli jyl bolǵanyna qaramastan, óndeý ónerkásibiniń absolıýtti ósýi, sol sııaqty jalpy ishki ónim qurylymyndaǵy úlesiniń ósýi de oń faktor bolyp tabylady. Atalǵan úles 2015 jylǵy 10,3 paıyzdan jyl qorytyndysy boıynsha 10,7 paıyzǵa deıin ulǵaıdy. Aýyl sharýashylyǵynyń úlesi 4,9 paıyzǵa deıin (2015 jyly 4,7%) , qurylystyń úlesi 6,4 paıyzǵa deıin(2015 jyly 6,0%) ósti», - dedi ol.
Sonymen qatar shet eldik tikeleı tartylǵan ınvestısııa 9 aıda 12,3 mlrd dollardan asyp, 2015 jyldyń sol ýaqytymen salystyrǵanda 4,5 ese kóbeıgen.
«Sonyń ishinde EAEO elderinen keletin ınvestısııa kólemi 47% (579,3 mln dollar) kóbeıdi. Bul elge tartylǵan jalpy qarajattyń 4 payzyn quraıdy», dedi mınıstr.
