«Bolashaq gospıtali» adam densaýlyǵyn jaqsartýǵa baǵyttalǵan

Elbasy Nursultan Nazar­baev­tyń aýrýhanalyq basqarýdyń ha­lyq­aralyq tájirıbesin tarta oty­ryp, elimizde «Bolashaq gospıtalin» qurý týraly tapsyrma bergeni málim. Bul Otanymyzdyń den­saý­lyq salasyn damytý jó­nindegi 2011-2012 jyldarǵa ar­nal­ǵan «Salamatty Qazaqstan» baǵ­darlamasynda da jan-jaqty kórinis tapqan bolatyn. Endi sol mindetti aıqyndaýǵa eldik táji­rı­bemizdi halyqaralyq úrdispen jalǵastyrýǵa arnalǵan forým keshe elor­da­daǵy Táýelsizdik sara­ı­yn­da ótti. Bul alqaly jı­yn qa­sıetti Táýelsizdigimizdiń 20 jyl­dyq merekesi sheńberinde bolǵan shara ekenin de aıta ketsek deımiz. Forýmnyń negizgi maqsaty, densaýlyq saqtaýda­ǵy menedj­ment­tiń álemdik jáne otandyq bet­alystaryn pikirtalas alańyn­da talqylaý, iskerlik-seriktestik qarym-qatynastardy damytý, Qa­zaq eli­niń medısına uıymdary­nyń basshylaryna sheteldik árip­testerdiń basqarýshylyq tájirı­besimen tany­sýǵa múmkindik jasaý. Sol sekildi medısı­na­lyq uıymdardy akkredıtteýdiń ha­lyq­aralyq stan­darttary, pa­sıent-baǵdarly kútim, aqparat­tyq-teh­no­logııalardyń róli, sa­la­daǵy memlekettik jáne jeke menshik seriktestik salasyndaǵy ózekti máselelerdi oı eleginen ótkizý. Osy jıynǵa Prezıdent Ákim­shiliginiń, Premer-Mınıstr Keń­sesiniń ókilderi, Parlament Májilisi­niń depýtattary, «Nur Otan» HDP jáne birqatar ve­dom­stvolardyń basshylary qatysty. Jınal­ǵan­dar al­dyn­da Premer-Mı­nıstrdiń orynbasary Erbol Oryn­baev sóz sóılep, otan­dyq medı­sı­nany damytýdyń búgini men keleshegi tý­raly jan-jaqty baıan­dady. Densaýlyq saq­taý mınıstri S.Qaıyrbekova ekinshi ret ótki­zi­lip otyrǵan fo­rým­nyń mán-ma­ǵynasyna toqtaldy. «Nazarbaev ýnı­versıtetiniń» prezıdenti Shıgeo Katsý jıynǵa qatys­qandardy shyn júrekten quttyqtap, bilim men ǵy­lym­dy ushtastyra oty­ryp, maman daıyndaý jaıyn aıtty. Eki kúnge sozylatyn forým­nyń alǵashqy kúni AQSh, Eýropa, Ońtústik Shyǵys Azııa, TMD elderi­niń aldyńǵy qatarly álem­dik sarapshylary men ókilderi, sondaı-aq otandyq mamandar baıandama jasasa, ekinshi kúni seksııa jumystarynda tájirıbe al­ma­syp, adam densaýlyǵyn jaq­sartý, ásirese ár memlekettiń keleshegi sanalatyn jas urpaqtyń bolashaǵyn kemeldi etý isinde medısınanyń róli týraly oı bólisedi. Biz tórtkúl dúnıeden kelgen bilimdi de bilikti mamandarmen tildeskenimizde, olar ómirde adam densaýly­ǵy­nan artyq nárseniń bolmaıtynyn atap aıtty. My­saly, Eýropadan kelgen Karlo Ramponı bo­lashaq gos­pıtaliniń ındıkatory retindegi sapa baǵa­sy men sapa­syzdyq týraly óz oı-baılamdaryn aıtsa, sıngapýrlyq professor Pýa Kaı Hýng óz elindegi densaýlyq reformasy osy­dan 25 jyl bu­ryn bastalǵanyn, qazir sonyń nátıjesin kórip otyr­­­ǵandaryn, eń bastysy, tur­my­sy tómen azamattarǵa asa kóńil bólinetinin, olarǵa qyzmet kórsetýdiń kóp jaǵdaıda jeńil­dikpen atqarylatynyn alǵa tartsa, AQSh azamaty Edvard Martınez sapaly jáne qoljetimdi me­dısınalyq qyzmet kórsetý jaı­yn qozǵady. Jalpy, bul forým­nyń basty maqsaty – otandyq medısınany álemdik ozyq táji­rıbemen ushtastyra otyryp da­my­tý, jańa tehnologııalardy tıimdi paıdalaný. Súleımen MÁMET.