Is-sharaǵa Almaty oblysy ákiminiń orynbasary Baqytnur Baqytuly qatysyp, veterınarııa salasyn damytý – Memleket basshysy júktegen baǵyttardyń biri ekenin atap ótti. Sonymen qatar aıtýly sharaǵa qala ákiminiń orynbasary Jansultan Ońalbaev jáne aýyl turǵyndary qatysty.
«Mal soıý pýnktiniń iske qosylýy – halyq densaýlyǵyn qorǵaý, veterınarııalyq-sanıtarııalyq qaýipsizdikti qamtamasyz etý jáne azyq-túlik turaqtylyǵyn saqtaý turǵysynan mańyzdy qadam. Jańa talapqa sáıkes, aýyl sharýashylyǵy janýarlary arnaıy jabdyqtalǵan pýnktterde soıylyp, sodan keıin saýda oryndaryna shyǵarylýy tıis. Jańa nysan janýar ıeleri úshin de tıimdi. Bul – ónim sapasyn arttyrýǵa, zań talaptaryn saqtaýǵa múmkindik beredi», dedi Baqytnur Baqytuly.
Aıta keteıik, oblys aýmaǵynda 40 mal soıý obektisi jumys isteıdi. Onyń ishinde 22 mal soıý pýnkti, 15 alań jáne 3 et óńdeý kásiporny bar.
