Foto: Ulttyq ulan
Kishi serjant Nurkeldi Jaıylhan – osy múmkindikti paıdalanǵan sarbazdardyń biri. Ol Ulttyq ulannyń oqý ortalyǵynda arnaıy daıyndyqtan ótip, áskerı shenge ıe boldy. Qazirgi ýaqytta Astana qalasyndaǵy 5573 áskerı bóliminde Otan aldyndaǵy boryshyn ótep júr.
Oqý ortalyǵynda alǵash ret bilimi men biliktiligin dáleldegen úzdik sarbazdarǵa kishi serjant sheni tabystaldy. Iriktelgen jaýyngerler oqý-jattyǵý jıyndarynan ótip, taǵylymdamadan keıin jas sarbazdardy úıretedi.
Ulttyq ulannyń málimetinshe, búginde kishi serjanttar dabyl kezinde bólimsheni uıymdastyryp, jaýyngerlik tapsyrmalardy oryndaýǵa jetekshilik etedi. Sonymen qatar patrýldik top bastyǵy retinde qoǵamdyq tártipti qamtamasyz etýge qatysady.
Jalpy, bul múmkindik 30 sarbazǵa berildi. Bastamanyń tıimdiligi – sarbazdar áskerı qyzmetten keıin ýaqyt joǵaltpaı, kúshtik qurylymdarda qyzmetti birden kishi serjant sheninen bastaı alady.
Bul joba jas áskerı qyzmetshilerdiń kásibı deńgeıin arttyryp qana qoımaı, olardyń qyzmetke degen yntasyn edáýir kúsheıtti.
