Foto: Ashyq derekkóz
Prokýratýranyń málimetinshe, keıbir júrgizýshiler úshin salynǵan aıyppuldar tıisti profılaktıkalyq áser etpeı otyr. Sondyqtan zań talaptaryn sanaly túrde elemeıtin tulǵalarǵa qatysty Ákimshilik quqyq buzýshylyq týraly kodekstiń 434-baby (Usaq buzaqylyq) qoldanyla bastady.
Bul shara jyldamdyqty baıqaýsyzda bir ret asyrǵandarǵa emes, kelesi áreketterdi ádeıi jasaǵandarǵa baǵyttalǵan:
- Jolda agressıvti júrgizý stılin ustanatyndar;
- Qaýipti manevr jasap, ózgelerdiń ómirine qater tóndiretinder;
- О́reskel zań buzýshylyǵyn taspaǵa túsirip, áleýmettik jelide maqtan úshin jarııalaıtyndar.
Astanalyq polıseıler beınekamera arqyly jol erejesin buzǵandardy anyqtady
Elorda prokýrory Ǵabıt Muqanovtyń aıtýynsha, qasaqana quqyq buzýshylardy oqshaýlaýǵa baılanysty sharalardy qoldaný agressıvti júrgizýge tózbeýshilikti qalyptastyrýǵa jáne jol-kólik oqıǵalarynyń sanyn azaıtýǵa baǵyttalǵan.
Elordada JI-kameralar qaýipsizdik beldigi men telefondy teksere bastady
Qazirdiń ózinde elordada birneshe júrgizýshi osy bap boıynsha jaýapqa tartylǵan. Prokýratýra barlyq jol qozǵalysyna qatysýshylardy ózara qurmet saqtaýǵa jáne joldaǵy qaýipsizdik – ortaq jaýapkershilik ekenin umytpaýǵa shaqyrady.
Eske sala keteıik, 2026 jyldyń sońyna deıin taǵy 16 aqyly jol ýchaskesinde jańa talap engizilip, ereje buzǵan júrgizýshilerge aıyppul salynady.
Avtokóliktegi mindetti jıyntyq: Júrgizýshiler neni bilýi tıis?
