Kezdesý barysynda munaı-gaz salasyndaǵy yntymaqtastyqty damytý, sonyń ishinde birlesken jobalardy júzege asyrý jáne ınvestısııalyq ózara is-qımyldy keńeıtý máseleleri qaraldy.
Taraptar ekijaqty yntymaqtastyqtyń damyp kele jatqanyn jáne buǵan deıin qol jetkizilgen ýaǵdalastyqtardyń júzege asyrylyp jatqanyna toqtaldy. Atap aıtqanda, bıylǵy naýryz aıynda Energetıka mınıstrligi men «Shell Qazaqstan» kompanııasy Aqtóbe oblysyndaǵy «Jańaturmys» ýchaskesinde geologııalyq barlaý jumysyn júrgizýge arnalǵan kelisimshartqa qol qoıdy.
Premer-mınıstrdiń birinshi orynbasary elimizde geologııalyq barlaý qyzmetin keńeıtý baǵytynda jumys júıeli túrde júrgizilip jatqanyn atap ótip, «Jańaturmys» jobasyn jetildirilgen modeldik kelisimshart sheńberinde júzege asyrýdyń ózektiligine toqtaldy.
Sonymen qatar júzdesý barysynda Qarashyǵanaq jáne Qashaǵan jobalaryn júzege asyrý máseleleri qozǵaldy. Taraptar óndiristik kórsetkishterdiń turaqtylyǵyn qamtamasyz etý jáne jobalardy ári qaraı damytý qajettigin atap ótti.
Sondaı-aq «Shell» kompanııasynyń elimizdiń batys óńirlerindegi áleýmettik mańyzy bar jobalardy qarjylandyrý máselesine erekshe nazar aýdaryldy.
Kezdesý sońynda taraptar uzaqmerzimdi yntymaqtastyqty odan ári nyǵaıtýǵa nıetti ekenin jetkizdi.
