Foto: Instagram/jenis_qasymbek
Áleýmettik jelide keń taraǵan beınerolıkte kishkentaı Ámire LRT ony el Prezıdentimen kezdesýge alyp barady dep shynaıy sengen. Balanyń ańǵal da taza kóńili kórermenderdiń yqylasyna ıe bolyp, kópshiliktiń júregin eljiretti.
Aıshyqty mereke qarsańynda Memleket basshysynyń tapsyrmasyna sáıkes, Jeńis Qasymbek Ámirege Qazaqstan Respýblıkasy Prezıdentiniń Alǵys hatyn jáne estelik syılyqtardy tabystady.
«Mundaı sátter armanyńa qanat bitirip, jaqsylyqqa senýdi, ómirdiń árbir qarapaıym sátine balasha qýana alý qasıetin joǵaltpaý kerektigin taǵy bir márte eske salady. Myna álemdi balalardyń pák kúlkisi men shynaıy sezimi nurlandyra túsedi. Ámirege myqty densaýlyq, armandarynyń oryndalǵanyn jáne shattyqqa toly baqytty balalyq shaq tileımin!» dedi elorda ákimi.
Eske sala keteıik, keshe Halyqaralyq balalardy qorǵaý kúnine oraı 100 úzdik oqýshy Aqordada qonaq boldy. Mereke qarsańynda kishkentaı meımandarǵa ǵımarat qurylysynyń tarıhy men sáýlettik erekshelikteri týraly syr shertetin qyzyqty ekskýrsııa uıymdastyryldy.
