AIÝANDYQ ÁREKET AShYLDY

test456

Taıaýda oryn alǵan osynaý qaıǵyly oqıǵany anyqtaý Batys Qazaqstan oblystyq ishki ister departamentiniń iz kesýshileri men tergeýshileriniń janqııarlyq eńbekteriniń arqasynda múmkin boldy. Jan túrshigerlik oqıǵaǵa qatysty adamdardyń esimderi ádep turǵysy boıynsha ózgertilip alyndy. 2009 jylǵy 23 qyrkúıek kúni Or­al qalalyq ishki ister bas­qar­ma­synyń Abaı polısııa bólimine M. esimdi azamatsha aryzdana keldi. 21 qyrkúıek kúni saǵat 20.50-de Oral qalasyndaǵy úıinen shyǵyp ketken H.Dosmuhamedov atyndaǵy Atyraý ýnıversıtetiniń stýdenti, 1981 jyly týǵan Aqmaral esimdi sińlisiniń úıge qaıtyp oralmaǵanyn baıandady. Oblystyq IID jáne Oral qalasy IIB krımınaldyq polısııa qyz­met­kerleri dereý izdestirý is-sharalaryn bas­­tady. Onyń barysynda habar-osharsyz joǵalǵan Aqmaraldyń qyl­mys­tyń qurbany bolǵan degen toq­tamǵa keletindeı jaǵdaılar anyq­taldy. О́ıtkeni, joǵalǵan qyz 21 qyr­kúıekten beri ne úıine, ne oqý or­­nyna kelmegen, qurby qyzda­ry­nyń ne týystarynyń birine habarlaspaǵan. Osy jaǵdaılardy eskere otyryp, Oral qalasynyń IIB Aqmaraldyń habar-osharsyz joǵalýyna baıla­nysty Qylmystyq kodekstiń 96-baby, 1-bólimi boıynsha qylmystyq is qozǵady. Tergeý barysynda Aq­ma­ral­dyń 21 qyrkúıektiń keshinde Já­mıla esimdi qurbysymen “Bal­tıka” kafesinde otyryp, Qaırat jáne Armat esimdi eki jigitpen ta­nys­qany, olardyń qyzdardy Dostyq dańǵy­lyn­da ornalasqan jaldamaly pá­terge keshti jalǵastyrýǵa shaqyr­ǵa­ny anyqtaldy. Páterde jigitter qyz­dar­ǵa tıise bastaǵannan keıin Jámıla Armattan taksıge deıin shy­ǵaryp salýdy ótinip, qurbysyn Qaı­rat­tyń qasynda qaldyryp, ózi taıyp turady. Osymen bári aıaqtalǵan sııaqty, biraq tergeý-tekserý is-sharalary ke­zinde qyzdardy taksıge: Jámılany qy­zyl máshınege otyrǵyzyp jiberdik degen Armat pen Qaırattyń krı­mı­na­lıstik esepte turǵany anyqtaldy. Ekeýiniń bergen jaýaptaryna baı­la­nysty Aqmaral minip ketken aq tústi “Folksvagen-Passat” avtokóliginiń júrgizýshisin izdeý bastaldy. Alaıda, Qaırat pen Armat jal­ǵan sóılep, tergeýdi qate baǵytqa buryp otyr ma degen de kúdik týdy. Se­nimsizdik týǵyzýǵa tyńshylardyń ká­sibı biliktiligi men kóp jylǵy tá­jirıbeleri jáne kúdikti jigitterdi jeke zertteý barysynda anyqtalǵan obektıvti faktiler septigin tıgizdi. Armattyń kámeletke tolma­ǵan­dar­dyń uıaly telefonyn tonaýǵa qa­tysy bar ekeni, al Qaırattyń basqa bir qyzdy zorlap, uıaly telefonyn tonaý boıynsha burynnan esepte tur­ǵany anyqtaldy. Álbette, bul qyl­mystyq is zerdelenip, bir kómegi tıer degen oımen burynǵy jábirlenýshi Marınadan jaýap alyndy. Qaırat Marınany da jaldamaly páterde zorlap, uıaly telefonyn tartyp alǵan, sosyn býyndyryp tunshyq­tyr­ǵan. Páterden jalańash kúıinde qashyp shyqqan Marına kórshilerden kómek surap, ólim aýzynan qalǵan. Sondyqtan da barlyq kúsh Aq­maraldy Qaırat pen Armattan basqa eshkim óltirgen joq degen basty nusqa boıynsha jumystanýǵa jum­sal­dy. Olar jaldaǵan páterdi tintý jáne páter ıesin jaýaptaý bar­y­syn­da páterden qyzdyń denesin orap, alyp shyǵýy múmkin degen qalyń tó­sek-oryn japqyshtyń, kórpeniń jáne úlken qara pakettiń joǵalǵany belgili boldy. Sondaı-aq, eki jaqty jaýap alý jolymen kúdiktilerdiń qyzdardy shyǵaryp salǵannan keıin “dostarymyzdyń úıinde túnedik” degen jalǵan alıbıleri joqqa shy­ǵa­ryl­dy. Polısııanyń zamanaýı múm­kin­dikteriniń kómegimen iz-túzsiz joǵalǵan Aqmaraldyń “Nokıa-5070” uıaly telefony tabylyp, tárkilendi. Endi tek eki suraqqa ǵana jaýap tabý kerek edi: Aqmaraldyń denesi qandaı kólikpen jáne qaıda aparyp jasyryldy? Jedel sharalardyń arqasynda kúdiktilerdiń tań atqanǵa deıin tanysy Qanybektiń avto­kó­li­gi­men júrgeni anyqtaldy. О́kinishke oraı, Qanybek ústimizdegi jylǵy 10 qazanda áskerı mindetin óteý úshin Almaty oblysyna jol júrip ketken. Dereý sol jerge krımınaldyq po­lı­sııa qyzmetkerleri issaparǵa ji­be­ril­di. Olarǵa Ishki ister mınıstrliginiń Al­maty oblysy boıynsha áskerı-tergeý basqarmasynyń jáne №97617 áskerı bóliminiń basshylyǵy men qyzmetkerleri kóp kómek kórsetken. Osynyń arqasynda qylmyskerlerdiń qyzdyń denesin shyǵarýǵa Qaırattyń aǵasynyń “VAZ-2106” avtokóligin paıdalanǵany belgili boldy. О́zderiniń is-áreketterin mo­ıyn­da­maı, barynsha tyrysyp baqqan kú­diktilerdiń asa aýyr qylmysty ja­saǵandary áshkerelenip, olardy us­tap, qamaýǵa alatyn sát te týdy. Us­tal­ǵandardy jaýaptaý barysynda olar­dyń Aqmaraldy zorlaǵany jáne tunshyqtyryp óltirgeni belgili boldy. Jasaǵan qylmystarynyń izin jasyrý úshin qyzdyń denesin tósek japqysh pen kórpege orap, Zelenov aýdany Beles aýyly aýmaǵyndaǵy orman alqaptarynyń birinde benzın quıyp, qyz denesin órtep jibergen. Kúni-túni júrgen tergeý-izdestirý jumystarynyń arqasynda qyzdyń kúl­ge aınalǵan múrdesi tabyldy. Eki aıaqty jaýyzdardyń qylmysy bul­tart­paı dáleldenip, moıyndaryna qoıyldy. Fatıholla MAShTAQOV, BQO IID baspasóz qyzmetiniń bastyǵy, polısııa polkovnıgi. Batys Qazaqstan oblysy.