Qorapshalar osylaı jasalady

Jaqsyny bilmek úshin biz qala shetinde ornalasqan «Gofrotara» jaýapkershiligi shekteýli seriktestigi atalatyn kásip­orynǵa keldik. Budan buryn seriktestik dırektory Gúlnár Qaı­darovany kezdestirgenimizde  «Bıznestiń jol kartasy-2020»  baǵdar­la­masynyń  kásipker­ler­ge kóme­gi tıe bastady. Osy jo­banyń ar­qasynda  jeńildetilgen nesıege de qol jetti. Qazir ká­sip­or­ny­myz óndirisin burynǵy qar­qy­ny­na qaraǵanda 2-3 ese ul­ǵaıt­ty. О́ıtkeni, jańadan al­ynǵan qural-jabdyqtar zaýyt­­tan shy­ǵa­tyn qaǵaz ónimderiniń sa­pa­sy­na da áser etti dep edi. Gýildegen seh ishi. Qatty qaǵaz­dardan, ıaǵnı gofrokartonnan bir-biri­men jalǵasqan avtomat­ty qu­ryl­ǵylardyń sońyna deıin aralap shyqqanda ne jasa­lyp jat­qanyn kózińmen kó­re­siń. Qarap turǵan adamǵa  myna ǵajaıyp avtomatty qurylǵy­lar­dyń oı­lap tappaıtyndary joq sııaqty, biri qaǵazdy qıyp jasta, ekinshisi, órnektep, úshin­shisi, búk­tep, sóıtip ári qaraı kádimgi ózimiz  kúndelikti kórip júrgen jumyrtqa salatyn gofrokarton qorapshalar paıda bo­lady. Seh ishi tap-taza, keń de jaryq. Shań-tozań degen joq. Bári de  av­tomatty jelimen bas­qary­latyn jańarǵan, jańa zaman  ká­siporny degen osy. Ju­mys­shylarǵa qaýip-qater joq. Uzyn jeliniń bir basyna qoı­ylǵan qaǵaz oramasy arnaıy qondyr­ǵylar arqyly shıra­ty­lyp, kesiledi de, ekinshi shetine daıyn qorap túrinde shyǵady. Al jeli boıynda qalǵan qaǵaz qal­dyq­tary áp-sátte jınalyp aly­nady. Kásiporyn ony qaıta óń­deýden ótkizip, óndiriske jara­tady. Jańa tehnologııa qaı kásip­orynnyń bolmasyn baǵyn asha­dy. Osynyń arqasynda «Gofro­tara» seriktestigi búgin­de eli­mizdiń qaǵaz ónimderi ryno­gy­nyń 20 paıyzyn  alyp otyr. Eli­mizdiń búkil óńirleri­men ju­mys jasaıdy. Jýyrda kásip­oryn ónimderine qyzyǵý­shy­lyq tanytqan Reseı, Tájiks­tan bıznes ókilderi de kelip ketipti. Gofrokartonnan jasalǵan qo­rapshalar sapaly qaǵazdar ónimi bolǵandyqtan, baǵalary tym arzanǵa túse qoımaıdy. О́ıtken, qorapshalar jasalatyn qaǵaz quramynda sellıýloza bar. Ol Reseıden ákelinedi. Bizdiń  elimizde ázirge sellıýloza shyǵa­rylmaıdy. Sondyqtan, shetten kelgen  qaǵaz baǵasy  qymbat. Ke­leshekte tetrapak qoraptaryn shyǵarýdy oılastyryp otyr. Al kásiporynnan, negizinen, gofrokarton ónimderi men eli­mizdiń qus fabrıkalaryna qa­jetti jumyrtqa salatyn shuń­qyrly qorapshalar, azyq-túlik qoraptary shyǵarylady. Qaǵaz qoraptar ártúrli azyq­tyq taýarlarǵa arnalǵan, sura­nysqa da ıe. Mysaly, Qara­ǵandy, Qostanaıdyń kámpıt­te­rin alaıyq, olar sehtardan ora­lyp shyqqannan keıin qaıda ba­rady, árıne, pavlodarlyq «Gofrotara» seriktestigi shy­ǵar­ǵan daıyn qoraptar kútip turady. Gúlnár basqaratyn sha­ǵyn ká­sip­oryn osylaısha otan­dyq ry­nok­ta jumyrtqa qorap­shalaryn shyǵarý arqyly ta­nyla bas­ta­dy.  Basqa emes, qo­rapshalardan bıznes jasaý oıyńyzǵa qalaı kel­di degen su­raǵymyzǵa bál­kim, qyzyǵý­shy­lyqtan, osylaı jasap kór­sek qalaı bolar eken degen talpy­nystan týǵan bolar dep oılaımyn. Alǵashynda ne­ba­ry 100 myń sharshy metr qa­ǵaz oramdaryn shyǵardyq. Kóbi jaramsyz bolyp qa­lý­shy edi, sebebi 1996 jyl­dary óndiristik jelimiz eski  boldy, deıdi kásiporyn basshy­sy. Gúlnár ınstıtýt bitirgen soń, Ekibastuzdyń ataqty GRES-2 stansasyna jas maman bolyp keldi. Oblystaǵy Maı aýdany, Jaltyr aýylynda týyp-ósken qyz bala elektr ınjeneri ma­man­dyǵyn alyp,  óndiriste birneshe jyl eńbek etti. Keıin, óz mamandyǵyna saı bıznes jo­lyn tańdaǵany da sol edi. Al, qazir ol basqaratyn shaǵyn kásiporyn gofro-jumsaq-búrtik karton ja­­­saıtyn zamanýı joǵary teh­no­logııalyq jeli júıesinde ju­mys jasaıdy. Elimizdiń ár jerlerinen suranys kóptep túsýde, al, qoraptarǵa, jumyrtqa qo­rap­shalaryna degen tapsyrys kóbeıgen saıyn kásiporyn tirshiligi  de  alǵa basýda. Bıyl «Bıznestiń jol karta­sy-2020» baǵdarlamasyna qaty­sý­ǵa óti­nish jasady. Joba biraz ýaqyt qaralyp, aqyry kásip­or­ynnyń qarjyǵa da qoldary jetipti. Sóıtip, óńirdiń ındýs­trııa­lan­dyrý kartasy aıasynda óz óndi­risin ulǵaıtýǵa kirisken kásip­oryn Germanııa, Qytaıdan av­tomatty jeliler, qaǵaz qorap­tardy ólsheıtin qondyrǵylar da satyp aldy. Buǵan 211 mıllıon teńge qarajat jumsaldy.  Buryn bir aıda 800 myń sharshy metr qaǵaz ónimderin shyǵarý múmkindigine ıe bolsa, qazirgi kúni qýaty 2 mıllıon sharshy metrge jetip otyr. О́ıtkeni, kásiporyn satyp alǵan jańa qondyrǵylar  jo­ǵary jyldamdyqpen jumys ja­saıdy. Munyń ishinde «Inline» dep atalatyn avtomatty qon­dyrǵyly jeli búginde qaǵaz ónimderin óndirý  boıynsha álem­degi  zamanýı tehnıka túri­nen sanalady. Árıne, seriktestik shaǵyn jáne orta kásipkerlik ókilderi úshin osyndaı jańa­lyqqa shyn máninde  qol ushyn berip, nesıeniń paıyzdyq júgin jeńildetýge kómektesken memleket qoldaýyna rıza. Bul kúnderi kásiporynda 140 adam jumys jasaıdy. Farıda BYQAI, Pavlodar.