Koalısııa ońtaıly jol izdeıdi

Tuńǵysh Prezıdent murajaıynyń kúmbezdi zalynda «Nur Otan» halyqtyq-demokratııalyq partııasynyń bastamasymen qurylǵan «Qazaqstan-2020» Jalpyulttyq demokratııalyq kúshter koalısııasynyń alǵashqy otyrysy ótti. Elimiz óz Táýelsizdiginiń 20 jyl­dyǵyna demokratııalyq qun­dy­lyqtardy ustanatyn memleket retinde jetti. Búgingi kúni ár­túrli saıası partııalar men qo­ǵam­dyq uıymdardyń eldiń damý jol­dary jónindegi ózindik kóz­qarastary az emes. Ol zańdy da. О́ıtkeni, qoǵamda qıly oılardyń aıtylýy, oı-paıym erkindiginiń bolýy, birneshe partııalardyń ómir súrýi de sol demokratııanyń arqasy. Ári ol qoǵamdy alǵa jyljytyp, damytatyn qozǵaý­shy kúsh ekeni anyq. Partııalar ár­túrli únqatysý alańdary arqy­ly ortaq bitimge kelip, máse­le­lerdi sheshýdiń eń ońtaıly jolyn tańdaýǵa umtylyp otyr. «Nur Otan» HDP-nyń bastamasymen qurylǵan «Qazaqstan-2020»  Jal­py­ulttyq demokratııalyq kúsh­ter koalısııasy (JDKK) osy baǵyt­ta­ǵy eń tıimdi uıym bolyp taby­lady. Oǵan 600-ge jýyq saıası jáne qoǵamdyq uıymdar múshe bolyp kirgen. Kezekten tys saılaý ýaqyty belgilengennen keıin JDKK ózin halyqty biriktirýshi birden-bir kúsh retinde kórsetip, eldegi re­formalardy qazaqstandyqtarǵa tú­sindirý jónindegi keń aýqymdy jumys júrgizýdi maqsat tutýda. Osylaısha el tarıhynyń talaı-talaı keleli jıyndary ót­ken, taǵdyrly sheshimder qabyl­dan­ǵan Elbasynyń burynǵy re­zıdensııasynyń, qazirgi Tuńǵysh Prezıdent murajaıynyń kúm­bez­di zalynda koalısııa músheleri alǵashqy otyrysyn ótkizip, uı­ym­nyń bolashaq qyzmetin tal­qy­lady. Demokratııalyq kúshter koa­lısııasy az ýaqyt ishinde aza­mattyq qoǵamdy biriktirip, qa­zaqstandyqtar arasyndaǵy bedelin nyqtady. Onyń qyzmetin Elbasy, «Nur Otan» partııa­sy­nyń Tóraǵasy Nursultan Nazarbaev ta joǵary baǵalady. Prezıdent saıası partııalarǵa osy uıym sheńberinde birlesken jumysyn jalǵastyrýdy usyndy. Bul bastama qoldaý taýyp, JDKK múshe­leri saıası partııalarmen jáne qoǵamdyq uıymdarmen elde jáne álemde bolyp jatqan oqı­ǵalardy talqylaý úshin, azamat­tyq qoǵam ınstıtýttarynyń syn­darly bas­tamalary men qa­zaqstan­dyqtar­dyń múddelerine qoldaý kórsetý úshin óz ju­mysynyń aýqymyn keńeıtý tý­raly sheshimge keldi. Otyrysta uıym qyzmetiniń jańa kezeńi bastaý aldy. Bul tý­raly «Nur Otan» partııasy Tór­aǵasynyń birinshi orynbasary Nurlan Nyǵmatýlın aıtyp ótti. «Bıylǵy prezıdenttik saılaýda «Qazaqstan-2020» Jalpyulttyq demokratııalyq kúshter koalı­sııa­sy halyqty biriktirýshi ma­ńyzdy qoǵamdyq-saıası kúsh retinde tanyldy. Sondyqtan, Táý­el­sizdiktiń 20 jyldyǵy qarsa­ńyn­da biz óz qyzmetimizdi Jal­py­ulttyq koalısııada jalǵas­ty­ryp jatqanymyz – bul barsha Qazaqstan halqynyń Elbasy Nursultan Nazarbaevtyń strate­gııa­lyq baǵytyn aldaǵy ýaqytta da birigip iske asyrýǵa daıyn eken­diginiń naqty dáleli», dedi ol. Qazaqstan Jazýshylar odaǵy­nyń tóraǵasy Nurlan Ora­zalın­niń aıtýynsha, «koalısııanyń qu­rylýy  Prezıdentimizdiń strate­gııa­lyq maqsattaryn júzege asy­rý úshin barlyǵymyzdyń jumy­lyp, abyroımen iske kirisýge daı­yn ekenimizdi anyq kórse­tedi». Táýelsizdiktiń 20 jyldyǵyna oraı koalısııa músheleri barlyq qazaqstandyqtarǵa, saıası partııa­larǵa, qoǵamdyq birlestikterge ún­deý joldady. Ulttyq ǵylym akademııasynyń prezıdenti Mu­rat Jurynov 20 jylda elimizdiń halyqaralyq arenadaǵy bedeli­niń joǵarylaýy jaıly aıta kele: «Búgingi koalısııa qabyldap otyr­ǵan úndeý – bul búkil qazaq halqyna degen úndeý. Tuńǵysh Prezıdentimiz bastap, alǵa qaraı adymdaǵan údemeli qozǵaly­sy­myzdy odan ári nyǵaıtýymyz kerek», dese, «Saýap» qoǵamdyq qo­rynyń prezıdenti Baqytbek Sma­ǵul da koalısııa úndeýine qoldaý bildirip, onyń qabyldanýy Elba­sy saıasatyn qoldaýǵa jáne de elimizdiń táýelsizdigin nyǵaıtýǵa zor úlesin qosatynyna senim bildirdi. Egemen damýdyń qos onjyl­dy­ǵy memlekettilikti ornatýdyń, qoǵamnyń tutastyǵyn saqtap qa­lýdyń, asa qaýipti ekonomıkalyq qıyndyqtardan oıdaǵydaı ótý­diń kezeńine aınaldy. Qazirgi ýa­qytta Qazaqstannyń aldynda jańa maqsattar men mindetter tur. Olardy qoǵam tek ózara tú­sinistik pen kúsh biriktirý arqy­ly ǵana sheshe alady. Buǵan koa­lı­sııanyń músheleri senimdi eken­dikterin málimdep jatty. Olar halyqty osy qol jetkizgen jetistikterdi saqtap, ony molaıta túsýge bar kúshin jumyldy­rýǵa shaqyrdy. «Halyqtyń birligi men yn­tymaǵy, onyń toptasýy barlyq qazaqstandyqtardyń ómirin jaq­sa­rtýǵa baǵyttalǵan memlekettik baǵdarlamalar men jobalardy tabysty iske asyrýǵa múmkindik jasaıdy. Bolashaǵymyzdyń irgesin birge qalaıyq!», delingen úndeý mátininde. Anar TО́LEÝHANQYZY.