Munaıshylardyń aq alǵysy

Mańǵystaý munaıynyń 50 jyldyǵy óndiristi óńirdiń ómi­rindegi aıtýly oqıǵalardyń biri boldy. Aımaqtyń aýdan, qa­lalarynda túgeldeı dúrkirep ót­ken merekelik baǵdarlama jurt­shylyq kóńiline qýanysh syı­la­dy. Olaı deıtinimiz toı baǵ­dar­la­masy aıasynda ardagerler ar­daqtalyp oblysta on­da­ǵan áleý­mettik nysandar paı­da­lanýǵa berildi. Aqtaýdaǵy sal­ta­natty jıynda Mańǵystaý mu­naıynyń tarıhy, búgini men erteńi qa­zynaly túbektiń qar­qyn­dy da­mýy týraly oblys ákimi Qy­rym­bek Kósherbaev «Munaıshylar – egemen elimizdiń tiregi» atty baıandamasynda áserli áńgime­le­di. Al saltanatty jınalysqa qatysýshylar ózderine arnaıy aq tilek, ıgi quttyqtaýyn jol­da­ǵan Elbasy Nursultan Na­zarbaevqa arnap úndeý joldap, alǵys sezimderin bildirdi. Onda bylaı delingen: «Qurmetti Nursultan Ábish­u­ly! О́zińiz qoldaý kórsetip, qut­tyqtaý jibergen bıylǵy Táýelsiz elimizdiń 20 jyl­dy­ǵy­nyń aıasynda atalyp otyr­ǵan Mańǵystaý túbeginiń alǵash munaıynyń ashylǵanyna 50 jyl tolý mereıtoıyn ótkizý ólke turǵyndary men mereke meımandaryna úlken rýhanı serpilis týǵyzyp, ulaǵatty sharaǵa aınaldy. Mereıtoı jer baılyǵyn ıge­rip, ony el qajetine jum­saýda eren eńbek etken munaı­shy ardagerlerimizdi qurmet­teý­ge, olardyń eńbekterin ós­ke­leń urpaqqa nasıhattaýǵa jáne jetkizýge septigin tıgizgeni sózsiz. Mańǵystaý munaıy­nyń 50 jyldyq mereıtoıyn urpaqqa ulaǵatty úlgi alýdy amanattaıtyn mereıtoı dep bilemiz. Sizdiń sarabdal saıasa­ty­ńyz­ben kemel keleshegine nyq qadam basqan táýelsiz Qazaq­stan­nyń tarıh úshin qas-qaǵym jıyrma jylǵa jýyq ýaqyt­ta­ǵy jetken ǵasyrǵa teń jetistikteri barsha mańǵys­taý­lyq­tar­dy qýan­typ, jarqyn bola­sha­ǵy­myz­ǵa degen sezim uıalatady. Mańǵystaýlyqtar ózderiniń eren eńbegimen Táýelsiz elimiz­diń órkendep, kórkeıe berýine súbeli úlesterin qosyp keledi jáne bolashaqta da qosa bermek. Kıeli de qasıetti Mań­ǵys­taý Táýelsiz elimizge, О́zińizge árdaıym tirek bolatynyn málimdeımiz». Mine, budan jarty ǵasyr bu­ryn janqııarlyqpen eńbek etip, elimizdiń abyroıyn as­qaq­­tatqan ardagerler men búgin­deri solar­dyń jolyn jalǵas­ty­ryp jat­qan óskeleń urpaq­tyń maqsat-múddeleri, Táýelsiz Qazaqstan­nyń Tuńǵysh Prezıdentine degen ystyq lebizderi osyndaı. Jolaman BOShALAQ, Mańǵystaý oblysy.