HVQ: Qazaqstan Úkimeti bankterge zeınetaqy qarjysymen kómek bermeýi tıis

Halyqarlyq valıýta qory Qazaqstandaǵy mıssııasynyń basshysy Mark Horton qazaqstandyq bankterdiń birigýine qatysty pikir bildirdi, dep habarlaıdy QazAqparat. «Qazkommen problemalar barynsha kúrdeli bolýy yqtımal. О́ıtkeni, ol Qazaqstandaǵy eń iri bankterdiń biri. О́zderińizde biletindeı, birneshe jyl buryn ol BTA bankin satyp aldy. Sońǵysynyń Qazaqstanda da, shetelde de qyzmet kórsetilmeıtin kredıtter boıynsha qorjyny óte kúrdeli bolatyn. Qazkommersbank biz úmit artqandaı BTA qorjynyndaǵy problemalardy sheshýde tabysqa jete almady. Iá, Qazkomnyń óziniń de qorjyny negizinen Almaty tóńiregindegi barynsha tólem qabiletti sanalmaıtyn jyljylmaıtyn múlikten turady»,- dep atap ótti ol qazaqstandyq jýrnalısterdiń saýalyna oraı. Qazirgi ýaqytta «Qazaqstannyń halyq banki» AQ men «Qazkommersbank» AQ arasynda áleýmetti mámilege qatysty kelissózder júrip jatyr. Alaıda, HVQ ókiliniń aıtýynsha, Halyq banki BTA bankiniń aýyrpalyǵyn ózine ala qoıǵysy joq. «Sondyqtan Qazkommersbanki balansy tóńiregindegi ahýaldy retteý úshin kúrdeli qarjylyq qoldaý kerek bolar. Bul kredıt biz úmit artyp otyrǵandaı taratý maqsatyna arnalǵan Problemaly kredıtter qorynan bólinýi múmkin. Bizdińshe, taratýdy barynsha jyldam júrgizý qajet. Múlikter men aktıvterdi ózine ala alatyn jańa ınvestorlar bolýy tıis. Biz Ulttyq bankpen mundaı operasııalardyń múmkinshilikti joldaryn talqyladyq. Qazirgi ýaqytta jospar ázirlenýde, taraptar Qazkommersbanktiń qorjyny aktısterine qarjylyq-zańgerlik aýdıt júrgizedi. Ázirshe biz mámile týraly sońǵy, qurylymdyq aqparat estigen joqpyz», - dedi Horton. Osy rette ol mundaı operasııalar júrgizýge qatysty  Halyqaralyq valıýta qory óziniń paıymyn da bildirgenin aıtty. «Aksıonerler eń birinshi kezekte ózderiniń bankterine qarjylyq resýrstar bólýi tıis dep sanaımyz. Eger aksıonerler aqsha qarajatyn bóle almaıtyn bolsa, onda memleket qarajatyna júginýlerine týra keledi. Bizdińshe, ol Ulttyq bankten nemese Biryńǵaı jınaqtaýshy zeınetaqy qorynan emes memlekettik bıýdjetten bólinýi qajet», - dedi sarapshy. Sóz sońynda Horton Halyqaralyq valıýta qory Qazaqstanda qandaı da bir aýqymdaǵy bank daǵdarysy bolmaıdy dep sanaıtyndyǵyn atap ótti.