Bul – ahýaldy retteýge qosylǵan naqty úles

Astanadaǵy Sırııa jónindegi kezdesý qorytyndysy boıynsha Qazaqstan Respýblıkasy Syrtqy ister mınıstrliginiń baspasóz qyzmeti túsinikteme berdi. Onda bylaı delinedi: «As­ta­nada Reseıdiń, Túrkııa men Irannyń joǵary deńgeıdegi sarap­shylary burnaǵy kúni Astana prosesi aıasynda Sırııa úkimeti men áskerı oppozısııalyq toptar arasyndaǵy kelissózderdiń birlesken tehnıkalyq tobynyń alǵashqy otyrysyn ótkizdi. Sonymen qatar, oǵan Birikken Ulttar Uıymy men Iordanııa delegasııasy qatysty. Iskerlik jáne syndarly jaǵ­daıda ótken bul kezdesý Sırııa­daǵy soǵysty toqtatý reji­min ornyqtyrý máselelerin tal­qylaý úshin qurylǵan Asta­na platformasynyń qajetti­ligin kórsetti, onyń Qazaqstan Pre­zıdenti Nursultan Nazarbaevtyń qoldaýy men bedeliniń arqasynda qurylǵany belgili. Elbasynyń bitimgershilik bastamalary men shıelenisken jaǵdaılardy retteý men álem elderiniń arasyndaǵy teketiresti jumsartýǵa qosqan súbeli úlesi halyqaralyq arenada keńinen tanymal». Qazaqstannyń Syrtqy ister mınıstrligi, sondaı-aq, BUU Bas hatshysynyń Arnaıy óki­li Staffan de Mıstýranyń qol­daýy­men jáne onyń belsendi qatysýymen uıymdastyrylǵan Sırııadaǵy ahýaldy retteý jónin­degi Astanadaǵy kezdesý Je­neva prosesin qoldaýǵa baǵyt­talǵanyn atap ótken. Osy oraıda, tehnıkalyq toptyń shamamen ústimizdegi jylǵy 15-16 aqpanǵa josparlanyp otyrǵan kelesi otyrysy BUU aıasynda Jeneva beıbit kelissózderiniń kezekti raýndyn ótkizýge qajetti jaǵdaı jasaýǵa múmkindik beredi dep senemiz, delingen túsiniktemede. Túsiniktemeniń qory­tyn­dy­synda múddeli taraptardyń kezdesýi úshin Qazaqstannyń alań usynýy jáne Astanany bitim­­gershilik kindigi retinde kór­setý bizdiń elimizdiń 2017-2018 jyldardaǵy BUU Qaýipsizdik Keńesiniń turaqty emes múshesi retinde Sırııa ahýalyn retteý prosesine qosqan naqty úle­si bolyp tabylatyny atap kórse­tildi. «Qazaqstan óńirlik jáne ja­handyq qaýipsizdikpen baılanys­ty máselelerdi is júzinde sheshý úshin barlyq kúsh-jigerin jumsap, dáıekti túrde qadam jasaıtyn bolady», delingen túsiniktemeniń sońynda.