Ońtústik Qazaqstan oblystyq tis emdeý emhanasy halyqqa táýlik boıy qyzmet etýge kóshti, dep habarlady OQO ákimdiginiń baspasóz qyzmeti.
Densaýlyq saqtaý basqarmasynyń basshysy M.Egizbaevtyń buıryǵymen azamattardyń túngi ýaqytta da em qabyldaýy úshin osyndaı qolaıly jaǵdaı jasaldy. Endi táýliktiń kez kelgen ýaqytynda oblys turǵyndary tańnyn atysyn kútpeı-aq dárigerdiń kómegine júgine alady.
«Bizdiń emhanada 195 adam jumys isteıdi. Onyń 68-i dáriger-stamatolog, 66 medbıke. Búginde oblys ákimi Janseıit Túımebaevtyń tapsyrmasy boıynsha halyqqa táýlik boıy qyzmet etý maqsatynda 4 brıgada – 4 dáriger, 4 medbıke jáne 4 sanıtar túngi mezgilde naýqastardy qabyldaýda. Bul elimizde alǵash qolǵa alynǵan shara. Buǵan deıin bizde jylyna 200 myńǵa jýyq adam tegin em alyp kelgen. Al, kúnine 400-den astam adam em qabyldaıdy. Endi táýlik boıy jumys istegen soń emhanaǵa qaralýǵa keletinderdiń sany budan da artatyny anyq», – deıdi oblystyq tis emdeý emhanasynyń bas dárigeri Erǵalı Ormanov.
Aqpan aıy bastalǵaly, munda 7 kúnde túngi mezgilde 24 adam tisterin emdetken. Aýdan-aýyldardan kelgender de bar. Degenmen, olardyń 17-sinde tis syrqatynyń asqyný belgileri anyqtalǵanyn tilge tıek etken Erǵalı Kerimbekuly oblys turǵyndaryn jylyna eki ret medısınalyq tekserýlerden ótip turýǵa shaqyrdy.
Shymkent qalalyq medısınalyq jedel járdem stansııasy 2016 jylǵy málimeti boıynsha túngi ýaqytta járdem suraǵan naýqastardyń 277-i pýlpıt aýrýymen syrqattanǵandar, tekserýden keıin 217 naýqas úıinde qaldyrylǵan, 60 naýqas stasıonarǵa alyp kelingen.
Bul bas josparǵa saı aýmaǵy ulǵaıyp, turǵyndarynyń sany artqan, qala qonaqtaryn qosa alǵanda 1 mıllıonnan astam adamǵa táýlik boıy qyzmet kórsetetin tis emhananyń qajettiligin ańǵartady.
Aıta keteıik, Qazaqstan Respýblıkasy Úkimetiniń 2014 jylǵy 27 qańtardaǵy №29 sandy «Tegin medısınalyq kómektiń kepildik berilgen kóleminiń tizbesin bekitý týraly» Qazaqstan Respýblıkasy Úkimetiniń 2009 jylǵy 15 jeltoqsandaǵy №2136 qaýlysyna ózgeris engizý týraly» Qaýlysyna saı 14 jasqa deıingi balalar, 18 jasqa deıingi jasóspirimder, júkti áıelder, halyqtyń áleýmettik qorǵalmaǵan toptaryna stomatologııalyq kómek qatty aýrǵan jaǵdaıda (ostraıa bol) tegin kórsetiledi.
