«Qazaqstan» teleradıokorporasııasyna jańa basshy taǵaıyndaldy

«Qazaqstan» respýblıkalyq teleradıokorporasııasy» aksıonerlik qoǵamy» Basqarma tóraǵasy bolyp Erlan Tynymbaıuly Qarın taǵaıyndaldy dep habarlaıdy egemen.kz. Jańa basshyny ujymǵa Aqparat jáne kommýnıkasııalar mınıstri Dáýren Abaev tanystyrdy. "Erlan Tynymbaıuly bil­ikti saıasattanýshy, ıd­eolog, elimizdiń shyna­ıy patrıoty retinde k­ópshilikke jaqsy tanys­ ekenine esh kúmánim j­oq. Endigi jerde oǵan eli­mizdegi eń iri medıa ­qurylymnyń jumysyn od­an ári damytý tapsyry­lyp otyr. Erlan Tynymbaıuly buǵ­an deıingi irgeli shar­alardy odan ári jalǵastyryp, korporasııany ­jańa deńgeıge kótered­i dep senemin" dedi mınıstr. Erlan Tynymbaıuly Qarın 1976 jyly 26 mamyrda Ońtústik Qazaqstan oblysy, Saıram aýdany, Aqsý aýylynda týǵan. 1997 jyly Q. Jubanov atyndaǵy Aqtóbe memlekettik ýnıversıtetin tarıh mamandyǵy boıynsha, al 1999 jyly ál-Farabı atyndaǵy QazUÝ-niń Fılosofııa jáne saıasattaný fakýltetininiń aspırantýrasyn támámdaǵan. Saıasattaný ǵylymdarynyń kandıdaty (dıssertasııa taqyryby: "Qazaqstan Respýblıkasynyń ulttyq qaýipsizdigindegi ishki saıası aspektiler"). 1996—1998 jyldary Q. Jubanov atyndaǵy Aqtóbe memlekettik ýnıversıtetinde sabaq berdi. 1998—2000 jyldary Qazaqstannyń damý ınstıtýtynyń Saıası zertteýler ortalyǵynda qyzmetker, Reseı jáne Qytaı ınstıtýty dırektorynyń orynbasary. 2000-2003 jyldary – Ortalyq Azııa saıası zertteýler agenttiginiń dırektory. 2003-2004 jyldary – «Asar» respýblıkalyq partııasy tóraǵasynyń orynbasary. 2004-2006 jyldary – Antıterrorlyq baǵdarlamalar ortalyǵynyń jetekshisi. 2006 jyly Mańǵystaý oblysynyń ákimi Qyrymbek Kósherbaevtyń qoǵamdyq jáne saıası máseleler jónindegi keńesshisi. 2008 jyldyń aqpan aıynda Qazaqstan Respýblıkasynyń Prezıdenti Nursultan Nazarbaevtyń jarlyǵymen Prezıdent ákimshiligi Ishki saıasat bóliminiń meńgerýshisi bolyp taǵaıyndaldy. 2008-2013 jyldary – Nur-Otan partııasynyń strategııalyq damý jónindegi hatshysy. 2014 jyldyń 16 qazanynda QR Prezıdenti janyndaǵy Strategııalyq zertteýler ınstıtýtynyń dırektory bolyp taǵaıyndaldy. Úılengen, bes qyz, bir uly bar. Korporasııanyń burynǵy jetekshisi Kemelbek Oıshybaev 2016 jyldyń 1 qazanynda taǵaıyndalyp, tórt aıdan keıin qyzmetten ketken bolatyn.