Ońtústik Qazaqstanda jumyssyz jastardyń qatary artyp barady

Shymkentte joǵary oqý ornyn bitirgen jas mamandar jumyssyzdardyń sanyn arttyryp otyr, dep habarlady 24.kz. Tehnıkalyq bilim alǵan stýdentterdiń ózi mamandyqtaryn ózge salaǵa aýystyrýǵa májbúr. Al «Serpin» baǵdarlamasymen elimizdiń ońtústiginen soltústigine attanǵandardyń aldy kúngeıge qaıta oralǵan. Keıbireýleri aýa raıyna beıimdele almaǵan. Eki qolǵa bir kúrek tappaı jatqandar da bar. Jastar depýtattarǵa osy máselelerdi aıtty. M. Áýezov atyndaǵy Ońtústik Qazaqstan memlekettik ýnıversıtetinde ótken jıynda Elbasynyń halyqqa baǵyttaǵan joldaýy men úndeýi qatar talqyǵa salyndy. «Bul joldaýda negizgi másele – elimizdiń ekonomıkasyn jańa satyǵa, joǵary deńgeıge kóterilýi. Munyń ishinde birneshe basym baǵyttar kórsetilgen. Alǵa qoıylyp otyrǵan úlken maqsat – eńbek ónimdiligin arttyrý. Jalpy ishki ónimniń kólemin áldeqaıda ósirip, el ekonmıkasyndaǵy kórsetkishterdiń barlyǵy basqa dárejege kóterý qaralyp otyr», – dedi QR Parlamenti Májilisiniń depýtaty Baqtyqoja Izmuhambetov.