Marat Mázimbaev: Jaqııanov Ýorrendi jeńedi dep úmittenemin

Kásipqoı boksta esimi búkil álemge taraǵan qazaqstandyq boksshy Marat Mázimbaev Janat Jaqııanov pen Roýshı Ýorren arasyndaǵy jekpe-jek jaıly pikirin bildirdi. Bul týraly vesti.kz habarlady. «Janat AQSh jerinde ózin jaqsy qyrynan kórsetetin múmkindik týdy. Eger osy tıtýldyq kezdesýdi jeńse, úlken jekpe-jekterge jol ashady. Mundaı sátter ómirde bir-aq ret beriledi jáne ony tıimdi qoldana bilý kerek. Árıne, qarsylasy óte myqty. Ýorrenniń áýesqoı boksta tájirıbesi óte mol. Kásipqoı boksta álem chempıony ataný ońaı jumys emes. Endi barlyǵy Janattyń qolynda, daıyndyǵyna baılanysty. Bul boks, munda barlyǵy da bolady. Bir soqqy kezdesýdiń qorytyndysyn sheship jiberýi múmkin. Janattyń tileýin tilep, jankúıer bolyp otyramyz», – dedi Mázimbaev. «О́z basym Janatty jaqsy bilemin. Promoýterlik qyzmetpen aınalysyp júrgenimde boks keshterinde sharshy alańǵa shyǵyp júrgen. Bul kezdesýin de jeńispen aıaqtasa qatty qýanar edim. Ol psıhologııalyq turǵydan óte myqty adam, soqqysy aýyr. Kásipqoı boksshy úshin kerektiń barlyǵy bar. Janatqa jaqsy daıyndyq kerek. Ol Ýorrenniń týǵan jerinde judyryqtaspaqshy. Eger teń túsip jatsa, jeńisti onyń qarsylasyna berip jiberýi ábden múmkin. Osal tustaryn baıqaǵan boıda, sol jerine soqqylaryn qarsha boratýy kerek. Has batyrǵa tán boks kórsetip, jeńiske jetedi degen úmittemin», – dedi ataqty boksshy. Aıta keteıik, qos boksshynyń arasyndaǵy aıqas 10 aqpanda AQSh-ta (Astana ýaqytymen 11 aqpannyń tańǵy ýaqytynda)  ótedi.