Jármeńke – molshylyq belgisi

Keshe Memlekettik hat­shy Qanat Saýdabaev pen Astana qa­lasynyń áki­mi Imanǵalı Tas­maǵam­be­tov el Táýel­sizdigi­niń 20 jyl­dyǵyna oraı 8-9 qyr­­kúıek kúnderi elorda­myz­da ótken Aty­raý, Jambyl jáne Shy­ǵys Qazaqstan oblystary­nyń aýyl­ sha­rýa­shy­lyǵy taýarlary jármeńkesin aralap kórdi. Memlekettik hatshy aldy­men Astana qalasyndaǵy «Han Sha­tyr» saýda-oıyn-saýyq or­ta­lyǵy janyndaǵy alańda «Kó­ne Taraz jármeńkesi» degen atpen ótip jatqan Jambyl oblysynyń jár­meń­kesine at­ba­syn tiredi. Oblys ákimi Qa­nat Bozymbaev Memlekettik hatshy men Astana qalasynyń ákimine óńirdiń áleýmettik-ekono­mıka­lyq damý jetistikteri týraly baıa­ndap, kóne Áý­lıe­ata jerinen jetken jár­meń­kedegi aýyl sha­rýashylyǵy eńbekkerleriniń ónim­derimen tanystyrdy. Odan keıin Qanat Saýdabaev pen Imanǵalı Tasmaǵam­betov «Otan-Ana» monýmenti alańynda boı kótergen Atyraý oblysynyń jármeńkesin aralap kórdi. О́ńir basshysy Bergeı Rysqalıev olar­dy óńirdiń makroekonomıkalyq kórset­kish­terimen tanystyryp, Aty­raý oblysynyń táýel­siz­dik­tiń 20 jylynda jetken áleý­met­tik-ekonomıkalyq jetistikteri týraly qysqasha aıtyp berdi. Astana qalasy ákimdigi al­dyn­daǵy ortalyq alańda qo­nys tep­ken Shyǵys Qazaqstan obly­synyń jármeńkesi men óńirde shyǵarylyp jatqan avtomobıl kólikteriniń kór­me­sin aralap shyqqan Memlekettik hatshy Táý­elsizdiktiń 20 jyl­dyǵyna oraı­lastyrylǵan ob­lys kúnderi aıasynda uıym­das­ty­rylǵan Shy­ǵys óńiriniń jármeń­kesine joǵa­ry baǵa berdi. Oblys ákimi Berdibek Saparbaev Memlekettik hat­shy men Astana qala­sy­nyń áki­mine óńir jetistikteri kór­me­­sine qoı­yl­ǵan tehnıkalar men jár­meńke só­relerinde syńsyǵan aýyl sha­rýashylyǵy óndirisi taý­ar­­laryn pash ete kelip, eli­miz­diń iri ón­diristik aıma­ǵy­nyń 20 jyl ishinde jetken jetistikteri týra­ly jan-jaqty baıandap berdi. Memlekettik hatshy Qanat Saý­dabaev Astana qalasynda ót­ki­­zi­lgen óńirlerdiń bul jár­me­ń­kesiniń áleýmettik mańyz­dy­ly­ǵyn atap kórsetti. Jylqybaı JAǴYPARULY.