BUU-da Qazaqstandaǵy áıelder kásipkerligi sóz boldy

Aýyldyq jerlerdegi jumyspen qamtýdy joǵarylatý jáne áıelderdiń kásipkerligin damytý jónindegi Qazaqstanmen júrgizilgen is-sharanyń durystyǵy Áıelder ahýaly jónindegi BUU komıssııasynyń 61-shi sessııasy barysynda atap ótildi, dep jazady QazAgronyń baspasóz qyzmeti. Halyqaralyq forým sheńberinde ótken joǵary deńgeıdegi «Aýyl áıelderimen birlesip ashtyq pen kedeılikti joıý úshin kúshterin aktıvtendirý» jónindegi  is-sharalardyń birinde «QazAgro» holdıngi» AQ Basqarma tóraǵasynyń orynbasary Aıgúl Muhamadıeva baıandama jasady. «QazAgronyń» ókili Holdıngtiń qyzmetiniń mańyzdy baǵyttarynyń biri retinde Qazaqstannyń aýyl sharýashylyǵyndaǵy áıelderdiń kásipkerligin damytý týraly aıtty. Onyń keltirgen statıstıkalyq málimetterine sáıkes, Qazaqstannyń ekonomıkasyndaǵy áıelderdiń kóp bóligi agrarlyq salaǵa tıesili. Ol genderlik kózqaras jaǵynan ekonomıkanyń eń kópshilikke málim salasynyń úshtigine kiredi: ekonomıkadaǵy jumys basty áıelderdiń jalpy sanynyń  17% -y aýyl sharýashylyǵynda jumys isteıdi (saýda - 19%, bilim salasynda - 19%). О́z baıandamasynda A.Muhamadıeva aýyl sharýashylyǵyndaǵy respýblıka boıynsha ózin jumyspen qamtıtyn áıelderdiń úlesiniń jalpy sanynyń shamamen 51%-yn aýyl sharýashylyǵynda jumys isteıtin áıelder quraıtynyn atap ótti. Eger basqa genderlik-baǵdarly salalarda áıelder negizinde jaldamaly jumysker bolsa, agrarlyq sektorda olar ózderi aýylsharýashylyq ónimderin shyǵarady, sonyń ishinde - jeke qosalqy sharýashylyqtarda. «QazAgro» holdınginiń ókiliniń aıtýy boıynsha, Úkimet qabyldaǵan 2017-2021 jyldarǵa arnalǵan ónimdi jumyspen qamtýdy jáne jappaı kásipkerlikti damytý baǵdarlamasy  aýyldaǵy áıelderdiń kásipkerligin damytý úshin úlken múmkindikter beredi. «QazAgro» holdıngi», osy baǵdarlamany aýyldyq jerlerde iske asyrýshy retinde áıelderdiń kásipkerligin damytýǵa jáne aýyldaǵy áıelderdiń ahýalyn jaqsartýǵa úles qosady. Sonymen, 2016 jyly Holdıngpen berilgen qaryzdyń jalpy sanynyń 36,6%-y áıelderge berilgen (jyl saıyn úles 3-5%-ǵa ósedi). «Atameken» ulttyq kásipkerler palatasynyń kásipkerlik negizine oqýǵa «Bastaý» baǵdarlamasy boıynsha 2016 jyldyń ózinde 180 adam oqytyldy, onyń 53%-y áıelder. О́ziniń baıandamasynyń sońynda Aıgúl Muhamadıeva aýyldaǵy áıelderdiń kásipkerligin damytý máselesiniń jumyssyzdyqty tómendetý maqsatyndaǵy mańyzdylyǵyn atap ótti jáne BUU halyqaralyq deńgeıde osy máseleni talqylaýǵa bergen múmkindigi úshin alǵysyn aıtty. Qazaqstan Respýblıkasynyń resmı delegasııasy áıelderdiń ahýaly jónindegi BUU komıssııasynyń 61-shi sessııasynyń jumysyna qatysatynyn eske salamyz, ol osy kúnderi BUU Nıý-Iorktegi shtab-páterinde ótýde jáne áıelderdiń eńbek salasyndaǵy ózgeris konteksinde ekonomıkalyq múmkindikterin keńeıtý taqyrybyna arnalǵan. Áıelderdiń dıskrımınasııasymen kúresý jáne áıelderdiń kásipkerligin damytý jónindegi tájirıbelerimen álemniń 170-nen astam elinen kelgen qatysýshylar bólisedi. «QazAgro» ulttyq holdınginiń ókili QR Ulttyq ekonomıka  mınıstri, QR Prezıdenti janyndaǵy áıelder isi jáne otbasy-demografııalyq saıasaty jónindegi komıtettiń múshesi M. Ábilqasova bastaǵan delegasııanyń quramyna kiredi.