VII Azamattyq forýmnyń negizgi erejelerin júzege asyrýda Qazaqstan Respýblıkasy Prezıdentiniń janyndaǵy Memlekettik basqarý akademııasynyń alańynda sybaılas jemqorlyqqa qarsy is-qımyl boıynsha azamattyq bastamalardyń I Kongresi ótti, dep jazady strategy2050.kz.
Is-sharany ótkizýge memlekettiń sybaılas jemqorlyqqa qarsy saıasatynyń belsendi jaqtastary – Qazaqstannyń Azamattyq Alıansy, «Atameken» Qazaqstan Respýblıkasynyń Ulttyq kásipkerler palatasy jáne Sybaılas jemqorlyqqa qarsy birinshi medıa-ortalyǵy bastamashy boldy.
Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttigi atalǵan bastamaǵa jáne is-sharany uıymdastyrýǵa qoldaý bildirdi.
Odan bólek, Agenttik Azamattyq Alıanspen, Qazaqstannyń kásipodaqtar federasııasymen jáne Sybaılas jemqorlyqqa qarsy birinshi medıa-ortalyǵymen birlesip 5 jobany júzege asyrý josparlanǵan:
- «qupııa satyp alýshy» ádisimen qoǵamdyq aýdıt;
- memlekettik qyzmette múddeler qaqtyǵysyn qarastyrý;
- satyp alynatyn qyzmetter jáne taýarlardyń dáleldengen baǵalaryna memlekettik satyp alýlardy monıtorıngteý;
- eńbek ujymdarynda sybaılas jemqorlyqqa qarsy nasıhat jáne sybaılas jemqorlyq qaterlerin taldaý;
- «Joldarda» sybaılas jemqorlyqqa qarsy is-qımyl boıynsha 10 qadam».
Jalpy, kongrestiń qatysýshylary sybaılas jemqorlyqqa qarsy jańa bastamalardy joǵary baǵalap, qoǵamda sybaılas jemqorlyqqa tózbeýshilikti qalyptastyrý boıynsha yntymaqtastyqqa daıyn ekendikterin jetkizdi.
