Sybaılas jemqorlyqpen búkil el bolyp kúresýimiz kerek - Nazarbaev

Jýrnalıstermen suhbat kezinde Qazaqstan Prezıdenti Nursultan Nazarbaev jemqorlyqpen kúres, onyń jeńý joldary týraly oılaryn aıtty. "Jemqorlyqpen búkil álemde kúresip jatyr. Biraq áli eshbir el ony tolyq jeńdik dep aıta almaıdy. Sheginen shyqqan kezde korrýpsııa memlekettiń qaýipsizdigine qater tóndiredi. Ásirese, ekonomıkasyn jańa damytyp jatqan jas elder úshin bul úlken problema. Qytaıda ol úshin qanshama adam osy ýaqytqa deıin atý jazasyna kesildi. Biraq kúres báribir toqtamaıdy. Jemqorlyqty jeńý úshin atqaratyn sharýa kóp. Memlekettik qyzmettiń jalaqysyn ósirý kerek, ol ózin jáne otbasyn erkin asyraı alatyn bolýy kerek. Qazir memlekettik qyzmetkerler qatań baıqaýdan ótedi. Iаǵnı, adamdy kósheden ákep qyzmetke qoıý salý degen bolmaıdy. Eń myqtylar, eń úzdikter tańdalady. Biz turǵyndarǵa aıtqymyz keledi. Biz búkil el bolyp qana bul dertti jeńe alamyz. Ol ne degen sóz? Ol urlyqpen, jemqorlyqpen barsha halyq bolyp kúresý degen sóz. Sıngapýrde mynadaı tájirıbe bar. Eger ujymda bir qyzmetker para alǵysy kelse, ony bilgen jaǵdaıda áriptesi habarlasýy kerek. Áıtpese, ol paraqormen birge jazalanady. Árıne, bul biz úshin tym qatań jaza bolar edi. «Bolashaq» baǵdarlamasymen oqyǵan jas mınıstr ustaldy.  Ol dostarymen birlesip sybaılas top qurǵan. Qazir tekserý júrip jatyr. Árıne, sot sheshimi shyqqan joq. Biraq bul is toqtamaıdy. Qylmyskerler jazasyn alady, urlanǵan qarjy memleketke qaıtarylady.