Elbasy: Qazaqtyń jerine jany ashıtyn eki adam bolsa, sonyń biri – menmin

Birneshe qazaqstandyq BAQ ókilderimen kezdesý kezinde Memleket basshysy Nursultan Nazarbaev jer jekemenshikke berilse, jerden aıyrylamyz dep qorqýdyń esh qajeti joq ekenin aıtty. "Qazaqtyń jerine jany ashıtyn eki adam bolsa, sonyń biri – menmin. Shekarany shegendegen kezde 14 myń kılometrlik shekaranyń ár metri úshin kúrestik. Esh jerde eshteńeni bermeý úshin, bersek ornyna alý úshin. Men ol qorqynyshtardyń qaıdan shyǵatynyn bilem. Kórshiler alyp qoımaı ma, aıyrylyp qalmaımyz ba degendeı... Qazaqtyń jerin eshkim arqalap, tıep alyp kete almaıdy. Ol – Qazaqstannyń jeri. Qazaqstannyń zańdary bar. Ony basqalarǵa satýǵa ruqsat etpeımiz. Jerdi ózimizdiń azamattar, óz kásipkerlerimiz jekemenshikke alsa deımiz, biraq sony alatyn adamdar joq bolyp tur ǵoı qazir. Alýǵa qory, aqshasy jetpeıdi. Batysta jerge jekemenshik qandaı ekenin bilesizder ǵoı? Onda jerdiń ıesi bar, oǵan eshkimdi kirgizbeıdi, qorǵaıdy. Táýelsizdiktiń alǵashqy jyldarynda eń myqty degen elý sovhoz dırektoryn shaqyryp, «Jerdi alasyzdar ma?» dedim. Kóbi almady, qoryqty. On adam ǵana kelisti. Qazir solar jaqsy damyp, gúldenip ketti. Túbinde aýyl sharýashylyǵy Qazaqstan úshin tabystyń eń myqty kózi bolýy kerek" dedi Qazaqstan Prezıdenti.