Kúsh-qýat bar kezde jumys isteý kerek – Elbasy

Qazaqstan Prezıdenti Nursultan Nazarbaev jýrnalıstermen kezdesý barysynda adam únemi izdenis ústinde bolý kerektigin aıtyp, olardy el úshin aıanbaı eńbek etýge shabyttandyrdy. "Shyr etip jerge túskende Allanyń beretin kúshi bolady. Sol kúsh-qýat taýsylǵansha ómir súresiń. Bitkende ketesiń. Maǵan osyndaı kúsh-qýat bergenine rızamyn. Kúshiń bar kezde jumys istep qalý kerek. Sender mine tepse temir úzetin jasqa keldińder barlyqtaryń. Aıanbaı jumys isteńder", dedi Elbasy. Sonymen qatar Prezıdent adam qaı salada bolmasyn únemi izdeniste bolý kerektigin aıtty. "Árbir jumysta izdenseń, bıikke órleısiń. Dúnıe júzi boıynsha aqparat quraldarynda da olardan úlgi alýǵa bolatyn qansha mysaldar bar. Múmkin keıbir jaǵdaıda múmkinshilikter bolmaı jatatyn shyǵar, múmkinshilikti boldyrý kerek. Barlyǵyn da joǵary isteýge, solarmen bir deńgeıde bolýǵa, olardan asyp ketýge tyrysý kerek. Men de osyndaı jumystarmen júrip kele jatyrmyn. Elimdi basqa eldermen qatar terezesin teń qylyp, eshkimnen kem qylmaı, qazaǵymnyń basy kóterilip júrsin dep, ár ýaqytta barlyǵyna tómennen joǵary qaramaı, qazaqtyń ózine solaı qaraıtyn bolsyn dep ómir súrip júrmin, jumys istep júrmin", dedi Prezıdent.